________________
५४८
भगवई
जयंती ! पाणाइवाएणं जाव मिच्छादसणसल्लेणं--एवं खलु जयंती ! जीवा
संसारं दीहीकरेंति ।। ४६. कहण्णं भंते ! जीवा संसारं ह्रस्सीकरेंति ?
जयंतो पाणाइवायवेरमणेणं जाव मिच्छादसणसल्लवेरमणेणं एवं खलु
जयंती! जीवा संसारं ह्रस्सीकरति ।। ४७. कहण्णं भंते ! जीवा संसारं अणुपरियट्टंति ?
जयंती ! पाणाइवाएणं जाव मिच्छादसणसलेणं-एवं खलु जयंती ! जीवा
संसारं अणुपरियट्ठति ॥ ४८. कहण्णं भंते ! जीवा संसारं वीतिवयंति ?
जयती! पाणाइवायवे रमणेणं जाव मिच्छादसणसल्लवेरमणेणं-एवं खलु
जयंती ! जीवा संसारं वीतिवयंति ॥ ४६. भवसिद्धियत्तणं भंते ! जीवाणं कि सभावो? परिणामो?
जयंती ! सभावओ, नो परिणामयो ।। ५०. सव्वेवि णं भंते ! भवसिद्धिया जीवा सिज्झिरसंति ?
हंता जयंती ! सब्वेवि णं भवसिद्धिया जीवा सिज्झिस्संति ।। ५१. जइ णं भंते ! सव्वे भवसिद्धिया जीवा सिज्झिस्संति, तम्हा णं भवसिद्धियविर
हिए लोए भविस्सइ? नो इणटे समतु।। से केणं खाइणं' अद्वेणं भंते ! एवं वुच्चइ -सव्वेवि णं भवसिद्धिया जीवा सिज्झिस्संति, नो चेव णं भवसिद्धियविरहिए लोए भविस्सइ ? जयंति ! से जहानामए सव्वागाससेढी सिया-अणादीया अणवदग्गा परित्ता परिवडा, सा णं परमाणपोग्गल मेत्तेहिं खंडेहि समए-समए अवहीरमाणीअवहीरमाणी अणंताहि अोसप्पिणी-उस्स प्पिणीहिं अवहीरंति, नो चेव णं अवहिया सिया । से तेणद्वेणं जयंती! एवं बुच्चइ-सव्वेवि णं भवसिद्धिया
जीवा सिज्झिस्संति, नो चेव णं भवसिद्धिविरहिए लोए भविस्सइ ।। ५३. सुत्तत्तं भंते ! साहू ? जागरियत्तं साहू ?
जयंती ! अत्थेगतियाणं जीवाणं सुत्तत्तं साहू, अत्थेगतियाणं जीवाणं जागरियत्तं
साहू।। ५४. से केणटेणं भंते ! एवं वुच्चइ-अत्थेगतियाणं' जीवाणं सुत्तत्तं साहू, अत्थेगति
याणं जीवाणं जागरियत्तं० साहू ? जयंती ! जे इमे जीवा अहम्मिया अम्माणुया अहम्मिट्ठा अहम्मक्खाई अहम्म
पलोई अहम्मपलज्जणा ग्रहम्मसमुदायारा अहम्मेणं चेव वित्ति कप्पेमाणा विह१. खाइएणं (ता); खातेणं (स) ।
२. सं० पा० -अत्थेगतियाणं जाव साह ।
Jain Education International
For Private & Personal Use Only
www.jainelibrary.org
