Page Text
________________
५१०
भगवई
तेणं कालेणं तेणं समएणं दस देवा महिढ़िया 'जाव' महासोक्खा जंबुद्दीवे दीवे मंदरे पव्वए मंदर चूलियं सव्वग्नो समंता' संपरिक्खित्ताणं संचिट्ठज्जा, अहं णं अट्ट दिसाकुमारीनो महत्तरियानो अट्ठ बलिपिडे गहाय माणुसुतरस्स पव्वयस्स चउसु वि दिसासु च उसु वि विदिसासु वहियाभिमुहीमो ठिच्चा ते अट्र बलिपिंडे जमगसमगं बहियाभिमहे' पक्खिवेज्जा। प णं गोयमा ! तग्रो एगमेगे देवे ते अट्ट बलिपिंडे धरणितलमसंपत्ते खिप्पामेव पडिसाहरित्तए ! ते णं गोयमा ! देवा ताए उक्किट्ठाए 'तुरियाए चवलाए चंडाए जइणाए छेयाए सीहाए सिग्याए उद्धयाए दिव्वाए ° देवगईए लोगते ठिच्चा असभावपट्टवणाए एगे देवे पुरत्थाभिमुहे पयाते, एगे देवे दाहिणपुरत्थाभिमुहे पयाते, ५०एगे देवे दाहिणाभिमुहे पयाते, एगे देवे दाहिणपच्चत्थाभिमुहे पयाते, एगे देवे पच्चत्थाभिमुहे पयाते, एगे देवे पच्चत्थउत्तराभिमुहे पयाते, एगे देवे उत्तराभिमुहे पयाते एगे देवे ° उत्तरपुरत्थाभिमुहे पयाते, एगे देवे उड्ढाभिमुहे पयाते, एगे देवे अहोभिमुहे पयाते। तेणं कालेणं तेणं समएणं वाससयसहस्साउए दारए पयाते । तए णं तस्स दारगस्स अम्मापियरो पहीणा भवंति, नो चेवणं ते देवा अलोयतं संपाउणंति। "तए णं तस्स दारगस्स पाउए पहीणे भवति, नो चेव णं ते देवा अलोयंतं संपाउणंति । तए णं तस्स दारगस्स अदिमिजा पहीणा भवंति, नो चेव णं ते देवा अलोयंत संपाउणंति । तए णं तस्स दारगस्स पासत्तमे वि कुलवंसे पहीणे भवति, नो चेव ण ते देवा अलोयंत संपाउणंति । तए णं तस्स दारगस्स नामगोए वि पहीणे भवति, नो चेव णं ते देवा अलोयतं संपाउणंति । ° तेसि णं भंते ! देवाणं किं गए बहुए ? अगए बहुए ? गोयमा ! नो गए बहुए, अगए बहुए, गयाओ से अगए अणंतगुणे, अगयाओ से गए अणंतभागे।
अलोए णं गोयमा ! एमहालए पण्णत्ते ।। लोगागासे जीवपदेस-पदं १११. लोगस्स णं भंते ! एगम्मि आगासपदेसे जे एगिदियपदेसा जाव पंचिदियपदेसा
अणिदियपदेसा अण्णमण्णवद्धा अण्णमण्णपुट्ठा 'अण्णमण्णबद्धपुट्ठा' अण्णमण्ण
१. सं. पा.--तहेव जाव संपरिविवत्ताणं । अस्माभिः पूर्वसूत्रानुसारी पाठः स्वीकृतः । २, भ० ३१४
४. सं० पा०—उविकट्टाए जाव देवगईए। ३. बाहियाभिमुहीओ (अ, क, ता, ब, म, स); ५. सं० पा०--एवं जाव उतर ।
अस्य पूर्ववर्तिलोकसूत्रे 'बहियामहे' इति ६. सं० पा०-तं चेव जाव तेसि । पाठोस्ति । अत्र सहशे एव प्रकरणे केनचिद् ७. सं० पा०-अण्णमण्णपुटा जाव अण्णमण्ण लिपिदोषादिकारणेन परिवर्तनं दृश्यते ।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |