________________
तइयं सतं (पढमो उद्देसो)
१२७ गोयमा ! सक्के गं देविदे देवराया महिड्ढीए जाव' महाणुभागे । से णं बत्तीसाए विमाणावाससयसहस्साणं, चउरासीए' सामाणियसाहस्सीणं, 'तायत्तीसाए तावत्तीसगाणं, चउण्डं लोगपालाणं अट्रणहं अग्गमहिसीणं सपरिवाराणं, तिण्डं परिसाणं सत्तण्हं अणियाणं, सत्तण्हं अणियाहिवईणं°, चउण्हं चउरासीणं पायरक्खसाहस्सीणं, अण्णसिं च जाव' विहरइ । एमहिड् ढए जाव' एवतियं च णं पभू विकुवित्तए, एवं जहेव' चमरस्स तहेव भाणियंव्वं, नवरं-दो केवलकप्पे जंबुद्दीवे दीवे, अवसेसं तं चेव । एस णं गोयमा ! सक्कस्स देविदस्स देवरण्णो इमेयारूवे विसए विसयमेत्ते'
बुइए, नो चेव णं संपत्तीए विकुविसु वा विकुव्वति वा विकुब्बिस्सति वा ॥ १७. जइ णं भंते ! सक्के देविदे देवराया एमहिड्ढीए जाव एवतियं च णं पभू
विकुवित्तए, एवं खलु देवाणु प्पियाणं अंतेवासि तीसए नाम अणगारे पगइभहए' 'पगइउवसंते पगइपयणुकोहमाणमायालोभे मिउमद्दवसंपन्ने अल्लीणे० विणीए छटुंछद्रेणं अणिक्खित्तेणं तवोकम्मेणं अप्पाणं भावेमाणे बहुपडिपुण्णाई अट्ट संवच्छराइं सामण्णपरियागं पाउणित्ता, मासियाए सलेहणाए अत्ताणं झूसेत्ता, सद्धि भत्ताइं अणसणाए छेदेत्ता आलोइय-पडिक्कते समाहिपत्ते कालमासे कालं किच्चा सोहम्मे कप्पे सयंसि विमाणंसि उववायसभाए देवसर्याणज्जसि देवदूसंतरिए अंगुलस्स असंखेज्जइभागमेत्तीए" प्रोगाहणाए सक्कस्स देविदस्स देवरण्णो सामाणियदेवत्ताए उवण्णे। तए णं तीसए देवे अहुणोववण्णमेत्ते समाणे पंचविहाए पज्जत्तीए पज्जत्तिभावं२ गच्छइ [तं जहा-आहारपज्जत्तीए, सरीरपज्जत्तीए, इंदियपज्जत्तीए, प्राणापाणपज्जत्तोए, भासा-मणपज्जत्तीए तए णं तं तीसयं देवं पंचविहाए पज्जत्तीए पज्जत्तिभावं" गयं समाणं सामाणियपरिसोववण्णया देवा करयलपरिग्गहियं दसनहं सिरसावत्तं मत्थए अंजलि कटु जएणं विजएणं वद्धाविति वद्धावित्ता एवं वयासी-अहो णं देवाणुप्पिएहिं
१. भ० ३४ २. चउरासीतीए (क, ता, म)। ३. सं० पा०--सामाणियसाहस्सीणं जाव
चउण्हं । ४. भ० ३।४ ५. भ० ३।४। ६. भ० ३।४-७ । ७. विसयमेत्ते ग (म, स)।
८, भ० ३।४। ६. सं० पा०-पगइभद्दए जाव विणीए । १०. मासिय (क, ब)। ११. असंखेज्जभाग ° (अ, ब); असंखेज्जभागमे
ताए (स)। १२. पज्जत्तभाव (ता) 1 १३. असो कोष्ठकत्तिपाठो ब्याख्यांश : प्रतीयते ? १४. पज्जत्तभावं (अ, स)।
Jain Education International
For Private & Personal Use Only
www.jainelibrary.org
