________________
3x
भगवई
एवं तच्च मासं अट्ठमंअट्टमेणं । चउत्थं मासं दसमंदसमेणं । पंचमं मासं बारसमंबारसमेणं । छटुं मासं च उद्दसमंचउद्दसमेणं । सत्तमं मासं सोलसमंसोलसमेणं । अट्ठमं मासं अट्ठारसमंअट्ठारसमेणं । नवम मासं वीस इमंवीसइमेणं । दसमं मासं बावीसइमंबावीसइमेणं । एक्कारसमं मासं चउवीसइमंचउवीसइमेणं । बारसमं मासं छन्वीसइमंछब्बीसइमेणं 1 तेरसमं मासं अट्ठावीसइमंअट्ठावीसइमेणं । चउद्दसमं मास तिसइमंतिसइमेणं । पण्णरसमं मासं वत्तीसइमबत्तीसइमेणं । सोलसं मासं चोत्तीस इमंचोत्तीस इमेणं अणिविखत्तेणं तवोकम्मेणं दिया ठाणुक्कुडुए सूराभिमुहे पायावणभूमीए पायावेमाणे, रत्ति वीरासणेणं अवाउडेण
य।। ६३. तए णं से खंदए अणगारे गुण रयणसंवच्छरं तवोकम्मं अहासुत्तं अहाकप्पं जाव'
पाराहेत्ता जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं वंदइ नमसइ, वंदित्ता नमंसित्ता बहूहिं चउत्थ-छठ्ठट्ठम-दसमदुवालसेहि, मासद्धमासखमणेहि विचित्तेहिं तवोकम्मेहि अप्पाणं भावेमाणे
विहरइ । ६४. तए णं से खंदए अणगारे तेणं सोरालेणं विउलेणं पयत्तेणं पगहिएणं कल्लाणेणं
सिवेणं धन्नेणं मंगल्लेणं सस्सिरीएणं उदग्गेणं उदत्तेणं उत्तमेणं उदारेणं महाणभागेणं तवोकम्मेणं सुक्के लुक्खे निम्मंसे अट्ठि-चम्मावण द्धे किडिकिडियाभूए' किसे धमणिसंतए जाए यावि होत्था । जीवंजीवेणं गच्छइ, जीवंजीवेणं चिटठइ, भासं भासित्ता वि गिलाइ, भासं भासमाणे गिलाइ, भासं भासिरसामीति गिलाइ । से जहानामए कट्ठसगडिया इ वा, पत्तसगडिया इ वा, पत्त-तिल-भडगसगडिया" इ वा, एरंडकट्ठसगडिया इ वा, इंगालसगडिया' इ वा -उण्हे दिण्णा सुक्का समाणी ससदं गच्छइ, ससई चिट्ठइ, एवामेव खंदए अणगारे ससई गच्छइ, ससह चिटठइ, उवचिए तवेणं अवचिए मंस-मोजिएणं, हयासणे विव भास रासिपडिच्छण्णे तवेणं, ते एणं, तव-तेयसिरीए अतीव-अतीव उवसोभेमाणे
उबसोभेमाणे चिट्ठ ।। ६५. तेणं कालेणं तेणं समएणं रायगिहे नगरे समोसरणं जाव" परिसा पडिगया ।। ६६. तए णं तस्स खंदयस्स अणगारस्स अण्णया कयाइ पुबरत्ताव रत्तकालसमयंसि
धम्मजागरियं जागरमाणस्स इमेयारूवे अज्झथिए चितिए' 'पत्थिए मणोगए संकप्पे समुपज्जित्था---
१. भ० २०५६ । २. भुक्खे (अ, म)। ३. • किडिय° (अ, ब)। ४. तिलसंठगसगडिया (वृपा)।
५. इंगालकट्ठसगडिया (अ, ब)। ६. खंदए वि (ता, म)। ७. ओ० सू० १६-८० । ८. सं.पा-चितिए जाव समुप्पज्जित्था ।
Jain Education International
For Private & Personal Use Only
www.jainelibrary.org
