________________
चोतीसइमं सतं पढम एगिदियसतं
पढमो उद्देसो एगिदियाणं विग्गहगइ-पदं १. कइविहा णं भंते ! एगिदिया पण्णत्ता ?
गोयमा ! पंचविहा एगिदिया पण्णत्ता, तं जहा-पुढविक्काइया जाव वणस्सइकाइया । एवमेते चउक्कएणं भेदेणं भाणियव्वा जाव वणस्सइकाइया । अपज्जत्तासुहुमपुढविकाइए णं भंते ! इमीसे रयणप्पभाए पुढवीए पुरथिमिल्ले चरिमंते समोहए, समोहणित्ता जे भविए इमीसे रयणप्पभाए पुढवीए पच्चत्थिमिल्ले चरिमंते अपज्जत्तासुहमपुढविकाइयत्ताए उववज्जित्तए, से णं भंते ! कइसमाएणं विग्गणं उववज्जेज्जा ? गोयमा ! एगसमइएण वा दुसमइएण वा तिसमइएण वा विगहेणं उव
बज्जेज्जा।। ३. से केणटेणं भंते ! एवं वुच्चइ- एगसमइएण वा दुसमइएण वा जाव' उव
वज्जेज्जा॥ एवं खलु गोयमा ! मए सत्त सेढीयो पण्णत्तानो, तं जहा-उज्जुयायता सेढी, एगओवंका, दुहनोवंका, एगोखहा', दुहनोखहा', चक्कवाला, अद्ध चक्कवाला। उज्जुनायताए सेढीए उववज्जमाणे एगसमइएणं विग्गहेणं उववज्जेज्जा। एगोवंकाए सेढीए उववज्जमाणे दुसमइएणं विग्गहेणं उववज्जेज्जा। दुहोवंकाए सेढीए उववज्जमाणे तिसमइएणं विग्गहेणं उववज्जेज्जा ! से तेण?णं
गोयमा ! जाव उववज्जेज्जा ।।। ४. अपज्जत्तासुहुमपुढविकाइए णं भंते ! इमीसे रयणप्पभाए पुढवीए पुरथिमिल्ले
चरिमंते समोहए, समोहणित्ता जे भविए इमीसे रयणप्पभाए पुढवीए पच्चत्थि
१. ० खहा (अ)।
२. ° खुहा (अ)।
१०११
Jain Education International
For Private & Personal Use Only
www.jainelibrary.org
