________________
पनरसमं अजभयणं (भावणा)
२३६
उत्तरखत्तिय कुंडपुर-संणिवेसरस मज्भमज्भेणं णिगच्छर, णिगच्छित्ता जेणेव णायसंडे उज्जाणे तेणेव उवागच्छइ, उवागच्छित्ता ईसिरयणिप्पमाणं अच्छुष्पेणं भूमिभागेणं सणियं सणियं चंदप्पभं सिवियं सहस्सवाहिणि ठवेइ, ठवेत्ता सणियंसणियं चंद्रभाओ सिवियाओ सहस्सवाहिणोओ पच्चोयर, पच्चोयरिता सणियं सनियं पुरत्याभिमुहे सीहासणे णिसीयइ, आभरणालंकारं ओमुयइ । तओ णं वेसमणे देवे जन्नुव्वायपडिए समणस्स भगवओ महावीरस्स हंस लक्खणं पडेणं' आभरणालंकारं पडिच्छइ ॥
लोय-पदं
३०. तओ णं समणे भगवं महावीरे दाहिणंणं दाहिणं वामेणं वामं पंचमुट्ठियं लोयं करेइ ॥
३१. तओ गं सक्के देविंदे देवराया समणस्स भगवओ महावीरस्स जन्नुव्वायपडिए वयरामण थालेणं साइं पडिच्छइ, पडिच्छित्ता " अणुजाणेसि भंते " त्ति कट्टु खीरोयसायरं साहरइ ॥
सामाइयचरित-गहण-पदं
३२. तओ णं समणे भगवं महावीरे दाहिणेणं दाहिणं वामेणं वामं पंचमुट्ठियं लोयं करेत्ता सिद्धाणं णमोक्कारं करेइ, करेत्ता, "सव्वं मे अकरणिज्जं पावकम्म" ति कट्टु सामाइयं चरितं पडिवज्जइ, सामाइयं चरितं पडिवज्जेत्ता देवपरिसं परिसंच आलिक्ख - चित्तभूयमिव टुवेइ |
संगहणी-गाहा
दिव्वो मणुस्सघोसो, तुरियणिणाओ य सक्कवयणेण । खिप्पामेव णिलुक्को, जाहे पडिवज्जइ चरितं ॥ १८ ॥ पडिवज्जित्तु चरितं अहोणिसिं सव्वपाणभूतहितं । साहठूलो मपुलया, पयया देवा निसामिति ॥ १६ ॥
मणपज्जवनाण-लद्धि-पदं
३३. तओ गं समणस्स भगवओ महावीरस्स सामाइयं खाओवसमियं चरितं पडिवन्नस्स मणपज्जवणाणे णामं जाणे समुप्पन्ने- अड्डाइज्जेहिं दीवेहिं दोहिय समुद्देहि सण्णीणं पंचेंद्रियाणं पज्जत्ताणं वियत्तमणसाणं मणोगयाई भावाई जाणेइ ||
Jain Education International
१. पडिसाडणं (छ) ।
२. साह० ( अ, क, ब) ।
३. मणुस्साणं (छ) ।
For Private & Personal Use Only
www.jainelibrary.org
