Page Text
________________
पनरसमं अज्झयणं (भावणा)
२३७
रयण भत्तिचित्तं सुभं चारुकंतरूवं सिंहासणं विउव्व इ, विउव्वित्ता जेणेव समणे भगवं महावीरे तेणेव उवागच्छति, तेणेव उवागच्छित्ता समणं भगवं महावीरं तिक्खत्तो आयाहिणं पयाहिणं करेइ. समणं भगवं महावीरं तिक्खत्तो आयाहिणं पयाहिणं करेत्ता समणं भगवं महावोरं वदति णमंसति, वंदित्ता णमंसित्ता समणं भगवं महावीरं गहाय जेणेव देवच्छंदए तेणेव उवागच्छति, उवागच्छित्ता सणियं-सणियं पुरत्थाभिमुहे सीहासणे णिसीयावेइ, सणियं-सणियं पुरत्थाभिमुहे सीहासणे णिसीयावेत्ता सयपाग-सहस्सपागेहि तेल्लेहि अब्भंगेति, अब्भंगेत्ता गंधकसाएहिं' उल्लोलेति, उल्लोलित्ता सुद्धोदएणं मज्जावेइ, मज्जावित्ता जस्स जंतपलं स यसहस्सेणंति पडोलतित्तएणं साहिएणं सीतएणं' गोसीसरत्तचंदणेणं अणुलिं पति, अणुलिपित्ता ईसिणिस्सासवातवोज्झं वरणगरपट्टणुग्गयं कुसलणरपसंसितं अस्सलालापेलवं छेयायरियकणगखचियंतकम्मं हंसलक्खणं पट्ट जुयलं णियंसावेइ, णियंसावेत्ता हारं अद्धहारं उरत्थं एगावलि पालंबसुत्त-पट्ट-म उड-रयणमालाई आविधावेति, आविधावेत्ता मंथिम-दिम-परिम-संघातिमेणं मल्लेणं कप्परक्खमिव समालंकेति, समालंकेत्ता दोच्चपि महया वेउव्वियसमुग्धाएणं समोहण्णइ, समोहणित्ता एग महं चंदप्पभं सिवियं सहस्सवाहिणि विउव्वइ, तं जहा-ईहामिय-उसभ-तुरग-गर-मकरविहग-वाणर - कुंजर - रुरु-सरभ-चमर-सद्लसीह-वणलय-विचित्तविज्जाहरमिहण-जूयल-जंत-जोगजुत्तं, अच्चीसहस्समालिणीयं, सूणिरूवित-मिसिमिसित रूवगसहस्सकलियं, ईसिभिसमाण, भिब्भिस माणं, चक्खुल्लोयण लेस्सं, मुत्ताहलमुत्तजालंतरोवियं, तवणोय-पवरलंबूस-पलबंतमुत्तदाम, हारद्धहारभूसणसमोणयं, अहियपेच्छणिज्ज, पउमलय भत्तिचित्तं, 'असोगलय भत्तिचित्तं, कंदलयभत्तिचित्तं" गाणालयभत्ति-विरइयं सुभं चारुकंतरूवं णाणामणिपंचवण्णघंटापडाय-परिमंडियस्गसिहरं पासादीयं दरिसणीयं सुरुवं ।
संगहणी-गाहा
सीया उवणीया, जिणव रस्स जरमरणविप्पमुक्कस्स । ओसत्तमल्लदामा, जलथलयदिव्वकुसुमेहिं ।।७।।
१. कासायिएहि (च, छ) । २. णं मुल्लं (अ, घ, च, ब)। ३. सरसीएण (क, घ, च)। ४. लालपेसियं (घ); लालपेलवं (छ);
° लालप्पेसलब (ब)। ५. मसूरियकणयकणयंत° (ध)। ६. X (अ); असोगलयभत्तिचित्तं (क)। ७, सुभं चारुकंतरूवं पासादीयं (अ,क,घ,च,ब)।
Jain Education International
For Private & Personal Use Only
www.jainelibrary.org
| SR No. | 003557 |
| Book Title | Agam 01 Ang 01 Acharang Sutra Aayaro Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 381 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 6 MB |