________________
बीअं अन्झयणं (सेज्जा-तइओ उद्देसो)
१३१ भवणगिहाणि वा उवागच्छंति, उवागच्छित्ता इयराइयरेहिं पाहुडेहिं दुपक्खं ते
कम्म सेवंति, अयमाउसो ! महासावज्ज-किरिया वि भवइ ।। अप्पसावज्ज-किरिया-पदं ४२. इह खलु पाईणं वा, पडीणं वा, दाहीणं वा, उदीणं वा संतेगइया सड्डा भवंति,
तं जहा---गाहावई वा जाव कम्मकरीओ वा। तेसिं च णं आयार-गोयरे णो सुणिसंते भवइ । तं सद्दहमाणेहि, तं पत्तियमाणेहि, तं रोयमाणेहि अप्पणो सअढाए तत्थ-तत्थ अगारीहिं अगाराइं चेतिताइं भवंति, तं जहा-आएसणाणि वा जाव भवणगिहाणि वा। मया पुढविकाय-समारंभेणं' 'महया आउकायसमारंभेणं, मया तेउकाय-समारंभेणं, महया वाउकाय-समारंभेणं, महया वणस्सइकाय-समारंभेणं, महया तसकाय-समारंभेणं, मह्या संरंभेणं, महया समारंभेण, महया आरभेणं, महया विरूवरूवेहिं पावकम्म-किच्चेहि, तं जहाछायणओ लेवणओ संथार-दुवार-पिहणओ। सीतोदए वा परिट्ठवियपुव्वे भवइ० अगणिकाए वा उज्जालियपूव्वे भवाइ। जे भयंतारो तहप्पगाराइं आएसणाणि वा जाव भवणगिहाणि वा उवागच्छंति, उवागच्छित्ता इयराइयरेहिं पाहुडेहिं एगपक्खं ते कम्म सेवंति, अयमाउसो ! अप्पसावज्ज-किरिया वि भवइ ।। एयं खलु तस्स भिक्खुस्स वा भिक्खुणीए वा सामग्गियं', 'जं सव्वद्धेहि समिए सहिए सया जए।
-त्ति बेमि° ॥ तइओ उद्देसो उवस्सय-छलण-पदं ४४. सिय' णो सुलभे फासुए उंछे अहेसणिज्जे, णो य खलु सुद्धे इमेहि पाहुडेहि, तं
जहा-छायणओ, लेवणओ, संथार-दुवार-पिहणओं', पिंडवाएसणाओ। से भिक्खू चरिया-रए, ठाण-रए, निसीहिया-रए, सेज्जा-संथार-पिंडवाएसणारए। संति भिक्खुणो एवमक्खाइणो उज्जुया' णियाग-पडिवन्ना अमायं कुव्वमाणा वियाहिया । संतेगइया पाहुडिया उक्खित्तपुन्वा भवइ, एवं णिक्खित्तपुवा भवइ, परिभाइय
२. सं० पा०-सामग्गियं । ३. से य (क, घ, च, छ, ब)।
४. पिहुणाओ (अ); पिहाणओ (क, च, छ, ब)। ५. मे य (अ)। ६. उज्जुअडा (अ, छ)।
Jain Education International
For Private & Personal Use Only
www.jainelibrary.org
