________________
१६०
आयारचूला ३४. से भिक्खू वा भिक्खुणी वा बहुसंभूयाओ ओसहीओ पहाए एवं वएज्जा, तं
जहा--रूढा ति वा, बहुसंभूया ति वा, थिरा ति वा, ऊसढा ति वा, गब्भिया ति वा, पसूया ति वा ससारा' ति वा-एयप्पगारं भासं असावज्जं जाव
अभूतोवघाइयं अभिकख भासेज्जा । ३५. से भिक्खू वा भिक्खुणी वा जहा वेगइयाई सद्दाइं सुणेज्जा, तहावि ताइं णो
एवं वएज्जा, तं जहा--सुसद्दे ति वा, 'दुसद्दे ति वा२–एयप्पगारं भासं सावज्जं
जाव भूतोवघाइयं अभिकख णो भासेज्जा। ३६. 'से भिक्खू वा भिक्खुणी वा जहा वेगइयाई सद्दाइं सुणेज्जा', ताइं एवं वएज्जा,
तं जहा-सुसदं सुसद्दे ति वा, 'दुसइं दुसद्दे ति वा"-एयप्पगारं भासं
असावज्ज जाव अभूतोवघाइयं अभिकख भासेज्जा ।। ३७. एवं रूवाइं–कण्हे ति वा, णीले ति वा, लोहिए ति वा, हालिद्दे ति वा,
सूकिल्ले ति वा, गंधाइं--सुब्भिगंधे ति वा, दुब्भिगंधे ति वा, रसाई-तित्ताणि वा, कडुयाणि वा, कसायाणि वा, अंबिलाणि वा,
महुराणि वा, फासाइं-कक्खडाणि वा, मउयाणि वा, गुरुयाणि वा, लहुयाणि वा,
सीयाणि वा, उसिणाणि वा, णिद्धाणि वा, रुक्खाणि वा॥ अणुवीइ णिट्ठाभासि-पदं ३८. से भिक्ख वा भिक्खुणी वा वंता 'कोहं च माणं च मायं च लोभं च', अणवीइ
णिट्ठाभासी णिसम्मभासी अतुरियभासी विवेगभासी समियाए संजए भासं
भासेज्जा॥ ३६. एयं खलु तस्स भिक्खुस्स वा भिक्खुणीए वा सामग्गियं, जं सव्वटेहिं समिए सहिए सया जएज्जासि।
—त्ति बेमि ॥
१. ससारा (अ, छ)। २. ४ (च, छ)। ३. x (अ, क, च, छ, ब)।
४. X (च, छ)। ५. कोहवयणं माणं वा ४ (क, घ, च, ब)।
Jain Education International
For Private & Personal Use Only
www.jainelibrary.org
