Page Text
________________ 114] [वशाभूतस्कन्ध सुवण्ण-धण-धन्न-मणि-मोत्तिय-संख-सिलप्पवालाओ अपडिविरए जावज्जीवाए / सव्याओ कूडतूल-कूडमाणाम्रो अपडिविरए जावज्जीवाए। सम्वानो आरम्भ-समारंभाओ अपडिविरए जावज्जीवाए। सम्यानो करण-कारावणाप्रो अपडिविरए जावज्जीवाए। सव्याओ पयण-पयावणाओ अपडिविरए जावज्जीवाए। सव्वाओ कुट्टण-पिट्टण-तज्जण-तालण-वह-बंध-परिकिलेसाओ अपडिविरए जावज्जीवाए। जे यावण्णे तहप्पगारा सावज्जा प्रबोधिआ कम्मंता परपाणपरिता वणकडा कज्जति (ततो वि अणं अपडिविरए जावज्जीवाए। से जहानामए केइ पुरिसे कल-मसूर-तिल-मुग्ग-मास-निप्फाव-कुलत्थ-आलिसं-दगसईणा-पलिमंथ एमादिएहि अयते कूरे मिच्छादंडं पउंजइ / एवामेव तहप्पगारे पुरिसज्जाते तित्तिर-वट्टा-लावय-कपोत-कपिजल-मिय-महिस-वराह-गाहगोध-कुम्म-सिरीसवादिहि अयते कूरे मिच्छादंडं पउंजइ / जावि य से बाहिरिया परिसा भवति, तं जहा-दासेति वा, पेसेति वा भतएति वा भाइल्लेति वा कम्मारएति वा भोगपुरिसेति वा / तेसिपि य णं अण्णयरगंसि प्रहालघुयंसि अवराधंसि सयमेव गरुयं दंडं वत्तेति, तं जहाइम दंडेह, इमं मुडेह, इमं वज्झेह, इमं तालेह, इमं अदुबंधणं करेह, इमं नियलबंधणं करेह, इमं हडिबंधणं करेह, इमं चारगबंधणं करेह, इमं नियलजुयलसंकोडियमोडितं करेह, इमं हत्थच्छिन्नं करेह, इमं पायच्छिन्नं करेह, इमं कम्नच्छिन्नं करेह, इमं नक्कच्छिन्नं करेह, इमं ओढच्छिन्नं करेह, इमं सोसच्छिन्नं करेह, इमं मुखच्छिन्नं करेह, इमं मज्झच्छिन्नं करेह, इमं वेयच्छिन्नं करेह, इमं हियउप्पाडियं करेह, एवं नयण-दसण-वसण-जिन्भुष्पाडियं करेह। इमं ओलंबितं करेह, इमं उल्लवितं करेह, इमं घंसिययं करेह, इमं घोलितयं करेह, इमं सूलाइतयं करेह, इमं सूलाभिन्नं करेह, इमं खारवत्तियं करेह, इमं दब्भवत्तियं करेह, इमं सोहपुच्छितयं करेह, इमं वसभपुच्छितयं करेह, इमं कडग्गिदड्ढयं करेह, इमं काकिणिमंसखाविततं करेह, इमं भत्तपाणनिरुद्धयं करेह, इमं जावज्जीवबंधणं करेह, हम अण्णतरेणं असभेणं क-मारेणं मारेह। जावि य से अभितरिया परिसा भवति, तं जहा-माताति वा, पिताति वा, भायाति वा भगिणिति वा, भज्जाति वा, ध्याति वा, सुण्हाति वा, तेसि पि य णं अण्णयरंसि अहालहुसगंसि अवराहंसि सयमेव गरुयं डंडं वत्तेति, तं जहा-सीतोदगंसि कायं ओबोलित्ता भवति। उसिणोदगवियडेण कायं ओसिंचित्ता भवति, अगणिकाएणं कायं प्रोडहित्ता भवति, जोतेण वा, वेत्तेण वा, नेत्तेण वा, कसेण वा, छिवाए वा, लताए वा, पासाई उद्दालित्ता भवति, डंडेण वा, अट्ठीण वा, मुट्ठीण वा, लेलूण वा, कवालेण वा, कायं ओओडेत्ता भवति / सहप्पगारे पुरिसज्जाते संवसमाणे दुमणा भवति / तहप्पगारे पुरिसज्जाते विष्पवसमाणे सुमणा भवंति / Jain Education International For Private & Personal Use Only www.jainelibrary.org
| SR No. | 003495 |
| Book Title | Agam 27 Chhed 04 Dashashrutskandh Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Trilokmuni, Devendramuni, Ratanmuni |
| Publisher | Agam Prakashan Samiti |
| Publication Year | 1982 |
| Total Pages | 206 |
| Language | Hindi |
| Classification | Book_Devnagari |
| File Size | 5 MB |