Page Text
________________
मूलं-२९
२६५ सुस्सरनिग्घोसाओ उरालेणं मणुनेणं मणहरेणं कन्नमणनिब्बुइकरेणं सद्देणं ते पदेसे सवओ समंता आपूरेमाणीओ २ जाव चिट्ठति ।।
तेसिणं दाराणं उभओ पासे दुहओ निसीहियाए सोलिस सोलस वणमालापरिवाडीओ पन्नत्ताओ, ताओणं वणमालाओ नानामणियमयदुमलयकिसलयपल्लवसमाउलाओछप्पयपरिभुञ्जमाणा सोहंतसस्सिरीयाओ पासाईयाओ४।।
तेसिणंदाराणं उभओ पासे दुहओ निसीहियाए सोलस २ पगंठगा पन्नत्ता, तेणं पगंठगा अशाइजाइंजोयणसयाई आयामविक्खंभेणं पणवीसंजोयणसयंबाहल्लेणं सव्ववयरामया अच्छा जाव पडिरूवा।
तेसिणं पगंठगाणं उवरि पत्तेयं २ पासायवडेंसगा पन्नत्ता, ते गंपासायवडेंसगा अड्डाइजाई जोयणसयाइं उढे उच्चत्तेणं पणविसं जोयणसयं विक्खंभेणं अन्भुग्गयमूसिअपहसिया इव विविहमणिरयणभत्तिचित्ता वाउडुयविजयवेजयंतपडागछत्ताइछत्तकलिया तुंगा गगणतलमगुलिहंतसिहरा जालंतरयणपंजरम्मिलियब्व मणिकणगधूभियागा वियसियसयवत्तपोंडरीया तिलगरयणद्धचंदचित्ता णाणामणिदामालंकिया अंतो बहिं च सण्हा तवणिजवालुयापत्थडा सुहफासा सस्सिरीयरूवा पासादीया दरिसणिज्जा जावदामा उवरिपगंठगाणं झया छत्ताइछत्ता।
तेसिणंदाराणंउमओपासेसोसलससोलसतोरणा पत्रत्ता, नानामणिमया नानामणिमएस खंभेसु उवणिविट्ठसन्निविट्ठा जाव पउमहत्थगा, तेसिणं तोरणाणं पुरओ दोदो सालभंजियाओ पत्रत्ताओ, जहा हेट्ठा तहेव तेसिणं तोरणाणं पुरओ नागदंता पन्नत्ता जहा हेडा जावदामा, तेसि णं तोरणाणं पुरओ दो दो हयसंघाडा गयसंघाडा नरसंघाडा किन्नरसंघाडा किंपरिससंघाडा महोरगसंघाडा गंधव्यसंघाडाउसभसंघाडा सव्वरयणामयाअच्छ जावपडिरूवा, एवं वीही पंतीओ मिहुणाई।
तेसि णं तोरणाणं पुरओ दो दो पउमलयाओ जाव सामलयाओ निचं कुसुमियाओ सबरयणामया अच्छाजाव पडिरूवाओ । तेसिणं तोरणाणं पुरओ दो दो अक्खय (दिसा) सोवस्थिया पन्नत्ता, सब्बरयणामया अच्छा जावपडिरूवा, तेसिणं तोरणामपुरोदो दोचंदनकलसा प० ते णं चंदनकलसा वरकमलपइट्ठाणा तदेव । तेसिणं तोरणाणं पुरतो दोदो भिंगारा ५०, ते गंभिंगारा वरकमलपइट्टाणा जाव महया मत्तगरुमहाकितिसमाणा पन्नत्ता समणा - उसो!!
तेसिणं तेरणाणं पुरओ दो दो आयंसा पन्नत्ता, तेसिणं आयंसाणं इमेयारूवे वन्नावासे पन्नत्ते, तंजहा-तवणिजमया पगंठया वेरुलियमया सुरया वइरामया दोवारंगा नानामणिमया मंडला अणुग्घसितनिम्लाते छायाते समणुबद्धा चंदमंडलपडिनिकासा महया अद्धकायसमाणा पन्नत्ता समणाउसो!!
तेसिणंतोरणाणं पुरओदो दो वइरनाभवाला पं० अच्छतिच्छडियसालितंदुलहसंदिट्टपडिपुन्नाइवचिट्ठति सव्वजंबूणयमयाजाय पडिरूवा महया महया रहचक्कवालसमाणा पं० समणाउसो
तेसिणं तोरणाणं पुरओ दो दो पांतीओ, ताओणं पाईओ अच्छोदगपरिस्थाओ नानामणिपंचवनस्स फलहरियगस्स बहुपडिपुत्राओविव चिट्ठति सब्बरयणामईओ अच्छा जाव पडिरूवाओ महया महया गोकलिंजरचक्कसमाणीओ पन्नत्ताओ समणाउसो।
Jain Education International
For Private & Personal Use Only
www.jainelibrary.org
| SR No. | 003347 |
| Book Title | Agam Sutra Satik 13 Rajprashniya UpangSutra 02 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 184 |
| Language | Prakrit, Sanskrit |
| Classification | Book_Devnagari, Agam, Canon, Agam 13, & agam_rajprashniya |
| File Size | 4 MB |