Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 71

$555555555
(१४) जीवाजीवाभिगम (३) पडिवत्ति (च) दीव समुद्द
सूराणवि लवणसमुद्दं बारस जोयणसहस्साइं तहेव सव्वं जाव रायहाणीओ, कहिं णं भंते ! बाहिरलावणगाणं चंदाणं चंददीवा पं० ?, गो० ! लवणस्स समुद्दस्स पुरथिमिल्लाओ वेदियंताओ लवणसमुद्दं पच्चत्थिमेणं बारस जोयणसहस्साइं ओगाहित्ता एत्थ णं बाहिरलावणगाणं चंददीवा नामं दीवा पं० धायतिसंडदीवंतेणं अद्धेकोणणवतिजोयणाइं चत्तालीसं च पंचणउतिभागे जोयणस्स ऊसिता जलंतातो लवणसमुद्दतेणं दो कोसे ऊसिता बारस जोयणसहस्साइं आयामविक्खंभेणं पउमवरवेइया वणसंडा बहुसमरमणिज्जा भूमिभागा मणिपेढिया सीहासणा सपरिवारा सो चेव अट्ठो रायहाणीओ सगाण दीवाणं पुरत्थिमेणं तिरियमसं० अण्णंमि लवणसमुद्दे तहेव सव्वं, कहिं णं भंते! बाहिरलावणगाणं सूराणं सूरदीवा णामं दीवा पं० १, गो० ! लवणसमुद्दपच्चत्थिमिल्लातो वेदियंताओ लवणसमुदं पुरत्थिमेणं बारस जोयणसहस्साइं धायतिसंडदीवंतेणं अद्धेकूणणउतिं जोयणाई चत्तालीसं च पंचनउतिभागे जोयणस्स दो कोसे ऊसिया सेसं तहेव जाव रायहाणीओ सगाण दीवाणं पच्चत्थिमेणं तिरियमसंखेज्जे लवणे. चेव बारस जोयण० तहेव सव्वं भाणियव्वं, ।१६४ । कहिं णं भंते ! धायतिसंडदीवगाणं चंदाणं चंददीवा पं० १, गो ! धातिसंडस्स दीवस्स पुरत्थिमिल्लाओ वेदियंताओ कालोयं णं समुहं बारस जोयणसहस्साइं ओगाहित्ता एत्थ णं धायतिसंडदीवाणं चंदाणं चंददीवा णामं दीवा पं० सव्वतो समंता दो कोसा ऊसिता जलंताओ बारस जोयणसहस्साइं तहेव विक्खभपरिक्खेवो भूमिभागो पासायवडिंसया मणिपेढिया सीहासणा सपरिवारा अट्ठो तहेव रायहाणीओ सकाणं दीवाणं पुरत्थिमेणं अण्णंमि धायतिसंडे दीवे सेसं तं चेव, एवं सूरदीवावि, नवरं धायइसंडस्स दीवस्स पच्चत्थिमिल्लातो वेदियंताओ कालोयं णं समुहं जोयण० तहेव सव्वं जाव रायहाणीओ सूराणं दीवाणं पच्चत्थिमेणं अण्णंमि धायइसंडे दीवे सव्वं तहेव । १६५ । कहिं णं भंते! कालोयगाणं चंदाणं चंददीवा पं० ?, गो० ! कालोयसमुद्दस्स पुरच्छिमिल्लाओ वेदियंताओ कालोयण्णं समुदं पच्चत्थिमेणं बारस जोयणसहस्साइं ओगाहित्ता एत्थ णं कालोयगचंदाण चंददीवा सव्वतो समंता दो कोसा ऊसिता जलतातो सेसं तहेव जाव रायहाणीओ सगाणं दीवाणं पुरच्छिमेणं अण्णंमि कालोयगसमुद्दे बारस जोयण० तं चैव सव्वं जव चंदा देवा, एवं सूराणवि णवरं कालोयगपच्चत्थिमिल्लातो वेदियंतातो कालोयसमुद्दपुरच्छिमेणं बारस जोयणसहस्साइं ओगाहित्ता तहेव रायहाणीओ सगाणं दीवाणं पच्चत्थिमेणं अण्णंमि कालोयगसमुद्दे तहेव सव्वं, एवं पुक्खरवरगाणं चंदाणं पुक्खरवरस्स दीवस्स पुरत्थिमिल्लाओ वेदियंताओ पुक्खरसमुद्दं बारस जोयणसहस्साइं ओगाहित्ता चंददीवा अण्णंमि पुक्खवरे दीवे रायहाणीओ तहेव, एवं सूराणवि दीवा पुक्खरखरदीवस्स पच्चत्थिमिल्लाओ वेदियंताओ पुक्खरोदं समुद्द बारस जोयणसहस्साइं ओगाहित्ता तहेव जाव रायहाणीओ, दीविल्लगाणं दीवे समुद्दगाणं समुद्दे चेव एगाण अब्भिंतरपासे एगाणं बाहिरपासे रायहाणीओ, दीविल्लगाणं दीवेसु समुद्दगाणं समुद्देसु सरिणामतेसु । १६६ । इमे णामा अणुगंतव्वा- 'जंबुद्दीवे लवणे घायइ कालोद पुक्खरे वरुणे। खीर घय इक्खु णंदी अरुणवरे कुंडले रुयगे॥३२। आभरणवत्थगंधे उप्पलतिलते य पुढवी णिहिरयणे । वासहरदइनईओ विजया वक्खारकप्पिंदा ||३३|| पुर (कुरु)मंदरआवासा कूडा णक्खत्तचंदसूरा य। एवं भाणियव्वं । १६८ । कहिं णं भंते! देवद्दीवगाणं चंदाणं चंददीवा णामं दीवा पं० ?, गो० ! देवदीवस्स देवोदं समुद्दं बारस जोयणसहस्साइं ओगाहित्ता (१६२) तेणेव कमेणं पुरत्थिमिल्लाओ वेइयंताओ जाव रायहाणीओ सगाणं दीवाणं पुरत्थिमेणं देवद्दीवं (वोदं) समुद्दं असंखेज्जाइं जोयणसहस्साइं ओगाहित्ता एत्थ देवदीवयाणं चंदाणं चंदाओ णामं रायहाणीओ पं० सेसं तं चेव देवदीवचंदा दीवा, एवं सूराणवि, णवरं पच्चत्थिमिल्लाओ वेदियंताओ पच्चत्थिमेणं च भाणितव्वा तंमि चेव समुद्दे, कहिं णं भंते ! देवसमुद्दगाणं चंदाणं चंददीवा णामं दीवा पं० ?, गो० ! देवोदगस्स समुद्दस्स पुरत्थिमिल्लाओ वेदियंताओ देवोदगं समुद्दं पच्चत्थिमेणं बारस जोयणसहस्साइं तेणेव कमेणं जाव रायहाणीओ सगाणं दीवाणं पच्चत्थिमेणं देवोदगं समुद्दं असंखेज्जाई जोयणसहस्साइं ओगाहित्ता एत्थ णं देवोदगाणं चंदाणं चंदाओ णामं रायहाणीओ पं० तं चैव सव्वं, एवं सूराणवि, णवरि देवो दगस्स पच्चत्थिमिल्लातो वेतियंतातो देवोदगसमुद्दं पुरत्थिमेणं बारस जोयणसहस्साइं ओगाहित्ता रायहाणीओ सगाणं दीवाणं पुरत्थिमेणं देवोदगं समुदं असंखेज्जाइं जोयणा सहस्साइं एवं णागे जक्खे भूतेवि चउण्हं दीवसमुद्दाणं, कहिं णं भंते ! सयंभूरमणदीवगाणं चंदाणं चंददीवा णामं दीवा पं० ?, सयंभूरमणस्स दीवस्स पुरत्थिमिल्लातो वेतियंतातो सयंभूरमणोदगं समुद्दं बारसजोयणसहस्साई तहेव
ॐ श्री आगमगुणमंजूषा - ९०४
[६२ ]