Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 68

XX¶¶¶¶¶¶¶KKF
(१४) जीवाजीवाभिगम (३) पडिवत्ति (च.) दीव समुह
[ ५९ ]
समुद्दे २ अदुत्तरं च णं गो० ! लवणसमुद्दे सासए जाव णिच्चे । १५५। लवणे णं भंते ! समुद्दे कति चंदा पभासिंसु वा पभासिति वा पभासिस्संति वा ?, एवं पंचण्हवि पुच्छा, गो० ! लवणसमुद्दे चत्तारि चंदा पभासिंसु० चत्तारि सूरिया तविंसु वा० बारसुत्तरं नक्खत्तसयं जोगं जोएंसु वा० तिण्णि बावण्णा महग्गहसया चारं चरिसुं वा० दुण्णि सयसहस्सा सत्तट्ठि च सहस्सा नव सया तारागणकोडाकोडीणं सोभं सोभिसु वा० | १५६ । कम्हा णं भंते! लवणसमुद्दे चाउद्दसमुद्दिट्ठपुण्णमासिणीसु अतिरेगं २ वड्ढति वा हायति वा १, गो० ! जंबुद्दीवस्स णं दीवस्स चउद्दिसिं बाहिरिल्लाओ वेइयंताओ लवणसमुद्दे पंचाणउतिं जोयणसहस्साइं ओगाहित्ता एत्थ णं चत्तारि महालिंजरसंठाणसंठिया महइमहालया महापायाला पं० तं० वलयामुहे केतूए जूवे ईसरे, ते णं महापाताला एगमेगं जोयणसयसहस्सं उव्वेहेणं मूले दस जोयणसहस्साइं विक्खंभेणं मज्झे एगपदेसियाए सेढीए एगमेगं जोयणसतसहस्सं विक्खंभेणं उवरिं मुहमूले दस जोयणसहस्साइं विक्खंभेणं, तेसिं णं महापायालाणं कुड्डा सव्वत्थ समा दसजोयणसतबाहल्ला पं० सव्ववइरामया अच्छा जाव पडिरूवा, तत्थ णं बहवे जीवा पोग्गला य अवक्कमंति विउक्कमंति चयंति उवचयंति सासया णं ते कुड्डा दव्वट्टयाए वण्णपज्जवेहिं० असासया, तत्थ णं चत्तारि देवा महिड्ढीया जाव पलिओवमद्वितीया परिवसंति, तं०-काले महाकाले वेलंबे पभंजणे, तेसिं णं महापायालाणं तओ तिभागा पं० तं०-हेट्ठिल्ले तिभागे मज्झिल्ले तिभागे उवरिमे तिभागे, ते णं तिभागा तेत्तीसं जोयणसहस्सा तिण्णि य तेत्तीसं जोयणसतं जोयणतिभागं च बाहल्लेणं, तत्थ णं जे से हेट्ठिल्ले तिभागे एत्य णं वाउकाओ संचिट्ठति, तत्थ णं जे से मज्झिल्ले तिभागे एत्थ णं वाउकाए य आउकाए य संचिट्ठति, तत्थ णं जे से उवरिल्ले तिभागे एत्थ णं आउकाए संचिट्ठति, अदुत्तरं च णं गो० ! लवणसमुद्दे तत्थ २ देसे बहवे खुड्डालिंजरसंठाणसंठिया खुड्डपायाल कलसा पं०, ते णं खुड्डा पाताला एगमेगं जोयणसहस्सं उव्वेहेणं मूले एगमेगं जोयणसतं विक्खंभेणं मज्झे एगपदेसियाए सेढीए एगमेगं जोयणसहस्सं विक्खंभेणं उप्पिं मुहमूले एगमेगं जोयणसतं विक्खंभेणं, तेसिं णं खुड्डागपायालाणं कुड्डा सव्वत्थ समा दस जोयणाई बाहल्लेणं पं० सव्ववइरामया अच्छा जाव पडिरूवा, तत्थ णं बहवे जीवा पोग्गला य जाव असासयावि, पत्तेयं २ अद्वपलिओवमट्ठितिताहिं देवताहिं परिग्गहिया, तेसिं णं खुड्डागपातालाणं ततो तिभागा पं० तं०-हेट्ठिल्ले तिभागे मज्झिल्ले तिभागे उवरिल्ले तिभागे, ते णं तिभागा तिण्णि तेत्तीसं जोयणसते जोयणतिभागं च बाहल्लेणं पं०, तत्थ णं जे से हेट्ठिल्ले तिभागे एत्थ णं वाउकाओ मज्झिल्ले तिभागे वाउआए आउयाते य उवरिल्ले आउकाए, एवामेव सपुव्वावरेणं लवणसमुद्दे सत्त पायालसहस्सा अट्ठ य चुलसीता पातालसता भवंतीतिमक्खाया, तेसिं णं महापायालाणं खुड्डागपायालाण य हेट्ठिममज्झिमिल्लेसु तिभागेसु जया बहवे ओराला वाया संसेयंति संमुच्छंति एयंति चलंति कंपंति खुब्भंति घट्टंति फंदंति तं तं भावं परिणमंति तया णं से उदए उण्णामिज्जति, जया णं तेसिं महापायालाणं खुड्डागपायालाण य हेट्ठिल्लमज्झिल्लेसु तिभागेसु नो बहवे ओराला जाव तं तं भावं न परिणमंति तया णं से उदए नो उन्नामिज्जइ, अंतरावि य णं ते वायं उदीरेति अंतरावि य णं से उदगे उण्णामिज्जइ अंतरावि य ते वाया नो उदीरंति अंतरावि य णं से उदगे णो उण्णामिज्जइ, एवं खलु गो० ! लवणसमुद्दे चाउद्दसमुद्दिट्ठपुण्णमासिणीसु अइरेगं २ वड्ढति वा हायति वा । १५७ । लवणे णं भंते ! समुद्दे तीसाए मुहुत्ताणं कतिखुत्तो अतिरेगं २ वड्ढति वा हायति वा ?, गो० ! लवणे णं समुद्दे तीसाए मुहुत्ताणं दुक्खुत्तो अतिरेगं २ वड्ढति वा हायति वा, केणट्टेणं भंते ! एवं वुच्चइ-लवणे णं समुद्दे तीसाए मुहुत्ताणं दुक्खुत्तो अइरेगं २ वड्ढइ वा हायइ वा ?, गो० ! उड्ढमंतेसु पायालेसु वड्ढइ आपूरितेसु पाया हाइ, से तेणद्वेणं गो० ! लवणे णं समुद्दे तीसाए मुहुत्ताणं दुक्खत्तो अइरेगं २ वड्ढइ वा हायइ वा । १५८। लवणसिहा णं भंते! केवतियं चक्कवालविक्खंभेणं केवतिय अइरेगं २ वड्ढति वा हायति वा ?, गो० ! लवणसीहाए णं दस जोयणसहस्साइं चक्कवालविक्खंभेणं देसूणं अद्धजोयणं अतिरेगं वड्ढति वा हायति वा, लवणस्
भंते! समुहस्स कति णागसाहस्सीओ अब्भिंतरियं वेलं धारंति कर नागसाहस्सीओ बाहिरियं वेलं धरंति कइ नागसाहस्सीओ अग्गोदयं धरेति ?, गो० ! लवणसमुद्दस्स बायालीसं णागसाहस्सीओ अब्भिंतरियं वेलं धारेति बावत्तरिं नागसाहस्सीओ बाहिरियं वेलं धारेति सट्ठि नागसाहस्सीओ अग्गोदयं धारेति, एवामेव सपुव्वावरेणं एगा णागसतसाहस्सी चोवत्तरिं च णागसहस्सा भवंतीतिमक्खाया । १५९ । कति णं भंते । वेलंधरा णागराया पं० १, गो० ! चत्तारि वेलंधरा फफफफफफफफफफ श्री आगमगुणमंजूषा ९०१)
Personal Use
प्र