Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 40

(१४) जीवाजीवाभिगम (३) पडिवति (च.) मणुस्सा. [३१]
ॐॐॐॐॐ
अत्थि णं भंते ! एगोरुयदीवे दीवे इंदमहाति वा खंदमहाति वा रुद्दमहाति वा सिवमहाति वा वेसमणमहाइ वा मुगुंदमहाति वा णागमहाति वा जक्खमहाति वा भूतमहाति वा कूवमहाति वा तलाय०णदिमहाति वा दहमहाति वा पव्वयमहाति वा रुक्खरोवणमहाति वा चेइयमहाइ वा धूभमहाति वा ?, णो तिप्पट्टे समट्टे, वगतमहमहिमाणं ते मणुयगणा पं० समणाउसो !, अत्थि णं भंते ! एगोरुयदीवे णडपेच्छाति वा गट्टपेच्छाति वा मल्लपेच्छाति वा मुट्टियपेच्छाइ वा विडंबगपेच्छाइ वा कहगपेच्छाति वा पवगपेच्छाति वा अक्खायगपेच्छाति वा लासगपेच्छाति वा लंखपे० मंखपे० तूणइल्लपे० तुंबवीणपे० किविणपे० मागहपे० जल्लपे० १, णो तिण सम, ववगतकोउहल्ला णं ते मणुयगणा पं० समणाउसो !, अत्थि णं भंते ! एगुरूयदीवे सगडाति वा रहाति वा जाणाति वा जुग्गाति वा गिल्लीति वा थिल्लीति वा पिपिल्लीइ वा पवहणाणि वा सिवियाति वा संदमाणियाति वा ?, णो तिणट्टे समट्ठे, पादचारविहारिणो णं ते मणुस्सगणा पं० समणाउसो !, अत्थि णं भंते! एगूरुयदीवे आसाति वा हत्थीति वा उट्टाति वा गोणाति वा महिसाति वा खराति वा घोडाति वा अजाति वा एलाति वा ?, हंता अत्थि, नो चेव णं तेसिं मणुयाणं परिभोगत्ताए हव्वमागच्छंति, अत्थि णं भंते! एगूरुयगदीवे सीहाति वा वग्घाति वा विगाति वा दीवियाइ वा अच्छाति वा परच्छाति वा परस्सराति वा तरच्छाति वा बिडालाइ वा सुणगाति वा कोलसुणगाति वा कोकंतियाति वा ससगाति वा चित्तलाति वा चिल्ललगाति वा ?, हंता अत्थि, नो चेव णं ते अण्णमण्णस्स तेसिं वा मणुयाणं किंचि आबाहं वा पबाहं वा उप्पायंति छविच्छेदं वा करेति, पगतिभद्दका णं ते सावयगणा पं० समणाउसो !, अत्थि णं भंते ! एगुरूयदीवे सालीति वा वीहीति वा गोधूमाति वा जवाति वा तिलाति वा इक्खति वा ?, हंता अत्थि, नो चेव णं तेसिं मणुयाणं परिभोगत्ताए हव्वमागच्छंति, अत्थि णं भंते! एगुरुयदीवे गत्ता वा दरीति वा घसाति वा भिभूति वा उवाएति वा विसमेति वा विज्जलेति वा धूलीति वा रेणूति वा पंकेइ वा चलणीति वा ?, णो तिणट्ठे समट्ठे, एगूरुयदीवे णं वे बहुसमरमणिज्ने भूमिभागे पं० समणाउसो !, अत्थि णं भंते! एगूरुयदीवे दीवे खाणूति वा कंटपति वा हीरएति वा सक्कराति वा तणकयवराति वा पत्तकयवराइ वा असुतीति वा पूतियाति वा दुब्भिगंधाइ वा अचोक्खाति वा ?, णो तिणाट्ठे समट्ठे, ववगयखाणुकं टक हीरसक्क रतणक यवरपत्तकयवरसुतिपूतियदुब्भिगंधमचोक्खपरिवज्जिए णं एगोरुयदीवे पं० समणाउसो !, अत्थि णं भंते ! एगुरुयदीवे दंसाति वा मसगाति वा पिसुयाति वा जूताति वा लिक्खाति वा ढंकुणाति वा ?, णो तिणट्टे, समट्टे ववगतदंसमसगपिसुतजूतलिक्खढंकुणपरिवज्जिए णं एगुरुयदीवे पं० समणाउसो !, अत्थि णं भंते ! एगुरुयदीवे
फ्र
वा अयराति वा महोरगाति वा० ?, हंता अत्थि, नो चेव णं ते अन्नमन्नस्स तेसिं वा मणुयाणं किंचि आबाहं वा पबाहं वा छविच्छेयं वा करेति, पगाइभद्दगा णं ते वालगगणा पं० समणाउसो !, अत्थि णं भंते! एगुरुयदीवे गहदंडाति वा गहजुद्धाति वा गहमुसलाइ वा गहगज्जिताति वा गहसंघाडगाति वा गहअवसव्वाति वा अब्भाति वा अब्भरुक्खाति वा संझाति वा गंधव्वनगराति वा गज्जिताति वा विज्जुताति वा उक्कापाताति वा दिसादाहाति वा णिग्घाताति वा पंसुविट्ठीति वा जूवगाति वा जक्खालित्ताति वा धूमिताति वा महिताति रउग्घाताति वा चंदोवरागाति वा सूरोवरागाति वा चंदपरिवेसाइ वा सूरपरिवेसाति वा पडिचंदाति वा पडिसूराति वा इंदधणूति वा उदगमच्छाति वा अमोहाइ वा कविहसियाइ वा पाईणवायाइ वा पडीणवायाइ वा जाव सुद्धवाताति वा गामदाहाति वा नगरदाहाति वा जाव सण्णिवेसदाहाति वा पाणक्खतजणक्खयकुलक्खयधणक्खयवसणभूतमणारिताति वा ?, णो तिणट्ठे समट्ठे, अत्थि णं भंते ! एगुरुयदीवे डिंबाति वा वा कलहात वा बोलाति वा खाराति वा वेराति वा विरुद्धरज्जाति वा ?, णो तिणट्ठे समट्ठे, ववगतडिंबडमरकलहबोलखारवेरविरुद्धरज्जविवज्जिता णं ते मणुयगणा पं० समणाउसो !, अत्थि णं भंते ! एगुरुयदीवे महाजुद्धाति वा महासंगामाति वा महासंनाहाति वा महापुरिसनिवाडणाति वा महारुधिरबाणाति वा नागबाणाति वा खणबाणाइ वा तामसबाणाइ वा दुब्भूतियाइ वा कुलरोगाति वा गामरोगाति वा नगररोगाति वा मंडलरोगाति वा सिरोवेदणाति वा अच्छिवेदणाति वा कण्णवेदणाति वा णक्कवेदणाइ वा दंतवेदणाइ वा नखवेदणाइ वा कासांति वा सासाति वा सोसाति वा जराति वा दाहाति वा कच्छूति वा खसराति वा कुद्धाति वा कुट्ठाति वा दगराति
MOK श्री आगमगुणमंजूषा ८७३