Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 30

(१४) जीवाजीवाभिगम (३) पडिवत्ति चउब्विए नेरइया २
ex
नेरइया ओहिणा केवतियं खेत्तं जाणंति पासंति ?, गो० ! जह० अहुट्ठगाउताइं उक्को० चत्तारि गाउयाई, सक्करप्पभापु० जह० तिन्नि गाउयाई अद्धुट्ठाई, एवं अद्धन्द्धगाउयं परिहायंति जाव अधेसत्तमाए जह० अद्धगाउयं उक्को० गाउयं, इमीसे णं भंते! रयणप्पभाए पुढवीए नेरतियाणं कति समुग्धाता पं० १, गो० ! चत्तारि समुग्घाता पं० तं०-वेदणासमुग्धाए कसायसमुग्धाए मारणंतियसमुग्धाए वेउव्वियसमुग्धाए, एवं जाव असत्तमाए ।८९। इमीसे णं भंते! रयणप्पभा० नेरतिया केरिसयं खुहप्पिवासं पच्चणुभवमाणा विहरंति ?, गो० ! एगमेगस्स णं रयणप्पभापुढविनेरतियस्स असब्भावपट्टवणाए सव्वोदधी वा सव्वपोग्गले वा आसगंसि पक्खिवेज्जा णो चेवणं से रयणप्प० णेरतिए तित्ते वा सिता वितण्हे वा सिता एरिसया णं गो० ! रयणप्पभाए णेरतिया खुधप्पिवासं पच्चणुभवमाणा विहरंति, एवं जाव अधेसत्तमाए, इमीसे णं भंते ! रयणप्पभाए० नेरतिया किं एकत्तं पभू विउव्वित्तए पुहुत्तंपि पभू विउव्वित्तए ?, गो० ! एगत्तंपि पभू पुहुत्तंपि पभू विउव्वित्तए, एतं विव्वेमाणा एवं महं मोग्गररूवं वा एवं मुसुंढिकरवत्तअसिसत्तीहलगतामुसलचक्कणारायकुंततोमरसूललउडभिंडमालरूवं वा पुहुत्तं विउव्वेमाणा मोग्गररूवाणि वा जाव भिंडमालरूवाणि वा ताइं संखेज्जाइं णो असंखेज्जाई संबुद्धाई नो असंबद्धाई सरिसाइं नो असरिसाई विउव्वंति त्ता अण्णमण्णस्स कार्य अभिहणमाणा २ वेयणं उदीरेति उज्जलं विउलं पगाढं कक्कसं कडुयं फरूसं निठुरं चंडं तिव्वं दुक्खं दुग्गं दुरहियासं एवं जाव धूमप्पभाए पुढवीए, छट्ठसत्तमासु णं पुढवीसु नेरइया बहू महंताई लोहियकुंथुरूवाइं वइरामयतुंडाइं गोमयकीडसमाणाइं विउव्वंति त्ता अन्नमन्नस्स कायं समतुरंगेमाणा २ खायमाणा २ सयपोरागकिमियाविव चालेमाणा २ अंतो अंतो अणुप्पविसमाणा २ वेदणं उदीरंति उज्जलं जाव दुरहियासं, इमीसे णं भंते! रयणप्प० नेरइया किं सीतवेदणं वेइंति उसिणवेदणं वेइति सीओसिणवेदणं वेदेति ?, गो० ! णो सीयं वेदणं वेदेति उसिणं वेदणं वेदेति नो सीतोसिणं एवं जाव वालुयप्पभाए, पंकप्पभाए पुच्छा, गो० ! सीयंपि वेदणं उसिपि वेयणं० नो सीओसिणवेयणं वेयंति, ते बहुतरगा जे उसिणं वेदणं वेदेति ते थोवयरगा जे सीतं वेदणं वेइंति, धूमप्पभाए पुच्छा, गो० ! सीतंपि वेदणं वेदेति उसिणंपि वेदणं वेदेति सीतो, ते बहुतरगा जे सीयवेदणं वेदेति ते थोवयरका जे उसिणवेदणं वेदेति, तमाए पुच्छा, गो० ! सीयं वेदणं वेदेति नो उसिणं वेदणं वेदेति नो सीतोसिणं वेदणं वेदेति, एवं अहेसत्तमाए णवरं परमसीयं, इमीसे णं भंते! रयणप्प० णेरइया केरिसयं णिरयभवं पच्चणुभवमाणा विहरंति ?, गो० ! ते णं तत्थ णिच्वं भीता णिच्चं तसिता णिच्चं छुहिया णिच्चं उव्विग्गा निच्वं उपप्पुआ णिच्वं वहिया निच्चं परममसुभमउलमणुबद्धं निरयभवं पच्चणुभवमाणा विहरंति एव जाव अधेसत्तमाए २ पुढवीए पंच अणुत्तरा महतिमहालया महानरगा पं० तं०-काले महाकाले रोरूए महारोरूए अप्पतिट्ठाणे, तत्थ इमे पंच महापुरिसा अणुत्तरेहिं दंडसमादाणेहिं कालमासे कालं किच्चा अप्पतिट्ठाणे णरए णेरतियत्ताए उववण्णा तं० रामे जमदग्गिपुत्ते दढाऊ लेच्छतिपुत्ते वसु उवरिचरे सुभूमे कोरव्वे बंभदत्ते चुल्लणिसुते, ते णं तत्थ नेरतिया जाया काला कालो० जाव परमकिण्हा वण्णेणं पं० तं० चेव, ते णं तत्थ वेदणं वेदेति उज्जलं विउलं जाव दुरहियासं, उसिणवेदणिज्जेसु णं भंते ! णेरतिए सु रतिया के रिस उसिणवेदणं पच्चणुब्भवमाणा विहरंति, गो० ! से जहाणामए कम्मारदारए सिता तरूणे बलवं जुगवं अप्पायंके थिरग्गहत्थे दढपाणिपादपासपिट्टं तरोरूसंघायपरिणए लंघणपवणजवणवग्गणपमद्दणवायामसमत्थे तलजमलजुयलबहुफलिहणिभबाहू घणणिचितवलियवट्टखंधे चम्मेट्टगदुहणमुट्ठियसमाहयणिचितगत्तगत्ते उरस्सबलसमण्णागए छेए दक्खे पट्ठे कुसले णिउणे मेहावी णिउणसिप्पोवगए एगं महं अयपिंडंउदगार
तं ताविय २ कोट्टित २ उब्भिदिय २ चुण्णिय २ जाव एगाहं वा दुयाहं वा तियाहं वा उक्को० अद्धमासं संहणेज्जा, से णं तं सीतं सीतीभूतं अओमएणं संदंसएणं गाय असब्भावपट्टवणाए उसिणवेदणिज्जेसु णरएस पक्खिवेज्जा से णं तं उम्मिसियणिमिसियंतरेणं पुणरवि पच्चद्धरिस्सामित्तिकट्टु पविरायमेव पासेज्जा पविण पासेज्जा पविद्धत्थमेव पासिज्जा णो चेव णं संचाएति अविरायं वा अविलीणं वा अविद्धत्थं वा पुणरवि पच्चुद्धरित्तए, से जहा वा मत्तमातंगे ( पाए) कुंजरे सहाय पढमसरयकालसमतंसि वा चरमनिदाघकालसमयंसि वा उण्हाभिहए तण्हाभिहए दवग्गिजालाभिहए आउरे सुसिए पिवासिए दुब्बले किलते एक्कं महं पुक्खरिणिं पासेज्जा, चाउक्कोणं समतीरं अणुपुव्वसुजायवप्पगंभीरसीतलजलं संछण्णपत्तभिसमुणालं बहुउप्पलकुमुदणलिणसुभगसोगंधियपुंडरीयमहाॐॐॐॐॐॐ श्री आगमगुणमंजूषा ८६३
GERO6666666666
[२१]