Agam 11 Ang 11 Vipak Sutra Shwetambar Agam Guna Manjusha

SR No.: 003261
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 36
Language: Prakrit
Classification: Book_Devnagari, Agam, Canon, F000, F001, & agam_vipakshrut
File Size: 4 MB

Page 20

966666666666
(११) श्री विवागसूर्य पढमो सुयक्खंधो ३ अभग्गसेणं [१०]
फफफफफफफफ
जेणेव महब्बले राया तेणेव उवागते त्ता महब्बलस्स रण्णो तं महत्थं जाव पाहुडं उवर्णेति त्ता करयल० अंजलिं कट्टु महब्बलं रायं एवं व० एवं खलु सामी ! सालाडवीए चोरपल्लीए अभग्गसेणे चोरसेणावती अम्हे बहूहिं गामघातेहि य जाव निद्धणे करेमाणे विहरति तं इच्छामि णं सामी ! तुब्भं बाहुच्छायापरिग्गहीया निब्भया णिरुव्विग्गा सुहंसुहेणं परिवसित्तएत्तिकट्टु पादपडिया पंजलिउडा महब्बलं रायं एतमहं विण्णवेति, तते णं से महब्बले राया तेसिं जाणवयाणं पुरिसाणं अंतिए एयम सोच्चा निसम्म आसुरूत्ते जाव मिसिमिसेमाणे तिवलियं भिउडिं निडाले साहट्टु दंडं सद्दावेति त्ता एवं व०- गच्छह णं तुमं देवाणुप्पिया ! सालाडविं चोरपल्लिं विलुंपाहि त्ता अभग्गसेणं चोरसेणावइं जीवग्गाहं गेण्हाहि त्ता मम उवणेहि, तते णं से दंडे तहत्ति विणएणं एयमहं पडिसुणेति, तते णं से दंडे बहूहिं पुरिसेहिं सण्णद्ध जाव पहरणेहिं सद्धि संपरिवुडे मग्गइएहि फलएहिं जाव छिप्पतूरेणं वज्जमाणेणं महया २ जाव करेमाणे पुरिमतालं नगरं मज्झंमज्झेणं निग्गच्छति त्ता जेणेव सालाडवी चोरपल्ली तेणेव पहारेत्थ गमणाए, तते णं तस्स अभग्गसेणस्स चोरसेणावइस्स चारपुरिसा इमीसे कहाए लद्धट्ठा समाणा जेणेव सालाडवी चोरपल्ली जेणेव अभग्गसेणे चोरसेणावई तेणेव उवागच्छंति करयल जाव एवं व० एवं खलु देवाणुप्पिया ! पुरिमताले नगरे महब्बलेणं रण्णा महया भडचडगरेणं दंडे आणत्ते - गच्छह णं तुमे देवाणु० ! सालाडविं चोरपल्लिं विलुंपाहिं त्ता अभग्गसेणं चोरसेणावतिं जीवग्गाहं गेण्हाहि त्ता ममं उवणेहि, तते णं से दंडे महया भडचडगरेणं जेणेव चोरपल्ली तेणेव पहारेत्थ गमणाए, तते णं से अभग्गसेणे तेसिं चारपुरिसाणं अंतिए एयमहं सोच्चा निसम्म पंचचोरसताई सद्दावेति त्ता एवं व०एवं खलु देवाणुप्पिया ! पुरिमताले नगरे महब्बले जाव तेणेव पहारेत्थ गमणाए आगते, तते णं से अभग्गसेणे ताइं पंचचोरसताइं एवं व० तं सेयं खलु देवाणुप्पिया ! अम्हं तं दंड सालाडविं चोरपल्लिं असंपत्तं अंतरा चेव पडिसेहित्तए, तते णं ताइं पंचचोरसताइं अभग्गसेणस्स चोरसेणावइस्स तहत्ति जाव पडिसुर्णेति, तते णं से अभग्गसेणे चोरसेणावती विपुलं असणं पाणं खाइमं साइमं उवक्खडावेति त्ता पंचहिं चोरसतेहिं सद्धिं पहाते जाव पायच्छित्ते भोयणमंडवंसि तं विपुलं असणं० सुरं च० आसाएमाणे० विहरति, जिमियभुत्तुत्तरागतेवि य णं समाणे आयंते चोक्खे परमसुईभूते पंचहिं चोरसतेहिं सद्धिं अल्लं चम्मं दुरूहति त्ता सण्णद्ध० जाव पहरणेहिं मग्गाइतेहिं जाव रवेणं पुव्वा (प्र० पच्चा) वरण्हकालसमयंसि सालाडवीओ चोरपल्लीओ णिग्गच्छति त्ता विसमदुग्गगहणं ठिते गहियभत्तपाणिए तं दंड पडिवालेमाणे चिट्ठति, तते णं से दंडे जेणेव अभग्गसेणे चोरसेणावती तेणेव उवागच्छति त्ता अभग्गसेणेणं चोरसेणावइणा सद्धिं संपलग्गे यावि होत्या, तते णं से अभग्गसेणे चोरसेणावई तं दंडं खिप्पामेव हयमहिय जाव पडिसेहेति, तते णं से दंडे अभग्ग० चोरसे० हय० जाव पडिसेहिते समाणे अथामे अबले अवीरिए अपु(१३६) रिसक्कारपरक्कमे अधारणिज्जमितिकट्टु जेणेव पुरिमताले नगरे जेणेव महब्बले राया तेणेव उवा० त्ता करयल० जाव एवं व० एवं खलु सामी ! अभग्गसेणे चोरसे० विसमदुग्गगहणं ठिते गहितभत्तपाणिए नो खलु से सक्का केणइ सुबहुएणावि आसबलेण वा हत्थिबलेण वा जोहबलेण वा रहबलेण वा चाउरंगेणंपि उरंउरेणं गेण्हित्तते ताहे सामेण य भेदेण य उवप्पदाणेण य वीसंभमाणेउं पयत्ते यावि होत्या. जेविय से अब्भिंतरगा सीसगभमा मित्तनातिनियगसयणसंबंधिपरियणं च विपुलधणकणगरयणसंतसारसावतेज्जेणं भिंदति, अभग्गसेणस्स य चोरसे० अभिक्खणं २ महत्थाई महग्घाई महरिहाई राय्मरिहाई पाहुडाइं पेसेति अभग्गसेणं च चोरसे० वीसंभमाणेइ।१८। तते णं से महब्बले राया अण्णया कयाई पुरिमताले नगरे एगं महं महतिमहालयं कूडागारसालं करेति अणेगखंभसतसंनिविट्टं पासाईयं०, तते णं से महब्बले राया अण्णया कयाई पुरिमताले नगरे उस्सुक्कं जाव दसरत्तं पमोयं उग्घोसावेति त्ता कोडुंबियपुरिसे सद्दावेति त्ता एवं व०- गच्छह णं तुब्भे देवाणु० ! सालाडवीए चोरपल्लीए तत्थ णं तुब्भे अभग्गसेणं चोरसे० करयल जाव एवं व० एवं खलु देवा० ! पुरिमताले नगरे महब्बलस्स रण्णो उस्सुक्के जाव दसरत्ते पमोदे उग्घोसिते तं किण्णं देवाणु० ! विउलं असणं० पुप्फवत्थगंधमल्लालंकारे य इहं हव्वमाणिज्जउ उयाहु सयमेव गच्छित्था ?, तते णं कोडुंबियपुरिसा महब्बलस्स रण्णो कर० जाव पुरिमतालाओं णगराओ पडि० त्ता णातिविकट्ठेहिं अद्धाणेहिं सुहेहिं वसहिपायरासेहिं जेणेव सालाडवी चोरपल्ली तेणेव उवा० अभग्गसेणं चोरसेणावतिं करयल० जाव एवं व० एवं खलु देवाणु० ! पुरिमताले णगरे महब्बलस्स रण्णो उस्सुंके जाव उदाहु सयमेव गच्छित्था ?. तते णं से अभग्ग० चोरसे०
ॐ
श्री आगमगुणमंजूषा ७६६