Page Text
________________
(६) णायाधम्मकहाओ पढमो सुयक्खधो १ अज्झयण उक्खिते पिट्ट्को
[१८]
अट्टवसट्टदुहट्टे कालमासे कालं किच्चा इहेव जंबुद्दीवे दीवे भारहे वासे दाहिणड्डूभरहे गंगाए महाणदीए दाहिणे कूले विंझगिरिपायमूले एगेणं मत्तवरगंधहत्थिणा एगाए गयवरकरेणुए कुच्छिसि गयकलभए जणिते । तते णं सा गयकलभिया णवण्हं मासाणं वसंतमासंसि तुमं पयाया । तते गं तुमं मेहा ! गब्भवासाओ विप्पमुक्के समाणे गयकलभए यावि होत्था, रत्तुप्पलरत्तसूमालए जासुमणाऽऽरत्तपालियत्तय- लक्खारस सरस- कुंकुम संझब्भराग वण्णे इट्ठे णियगस्स जूहवइणो गणियारकणेरुकोत्थहत्थी अणेगहत्थिसयसंपरिवुडे रम्मेसु गिरिकाणणेसु सुहंसुहेणं विहरसि । तते णं तं मेहा! उम्मुक्कबालभाचे जोव्वणगमणुप्पत्ते जूहवइणा कालधम्मुणा संजुत्तेणं तं जूहं सयमेव पडिवज्जसि । तते णं तुमं मेहा ! वणयरेहिं निव्वत्तियनामधेज्जे जाव चउदंते मेरुप्पभे हत्थिरयणे होत्था तत्था णं तुम मेहा ! सत्तसइयस्स जूहस्स आहेवच्च जाव अभिरमेत्था । तते णं तुमं मेहा ! अन्नया कयाइ गिम्हकालसमयंसि जेट्ठामूले वणदवजालपलित्तेसु वर्णतेसु धूमाउलासु दिसासु जाव मंडलवाए व्व परिब्भमंते भीते तत्थे जाव संजायभए बहूहिं हत्थीहि य जाव कलभियाहि य सद्धिं संपरिवुडे सव्वतो समंता दिसोदिसिं विप्पलाइत्था । तते णं तव मेहा ! तं वणवं पासित्ता अयमेयारूवे अज्झत्थिए जाव समुप्पज्जित्था कहिं णं मन्ने मया अयमेयारूवे अग्गि संभमे अणुभूयपुव्वे । तए णं तव मेहा ! लेस्साहिं विसुज्झमाणीहिं अज्झवसाणेणं सोहणेणं सुभेणं परिणामेणं तयावरणिज्जाणं कम्माणं खओवसमेणं ईहापूहमग्गणगवेसणं करेमाणस्स सन्निपुव्वे जातीसरणे समुप्पज्जित्था, तते णं तु हा ! यमहं सम्मं अभिसमेसि एवं खलु मया अतीए दोच्चे भवग्गहणे इहेव जंबुद्दीवे दीवे भारहे वासे वेयडगिरिपायमूले जाव तत्थ णं मया अयमेयारूवे अग्गिसंभमे समणुभूए, तते गं तुमं मेहा ! तस्सेव दिवसंस्स पच्चावरण्हकालसमयंसि नियएणं जूहेणं सद्धिं समन्नागए यावि होत्था । तते णं तुमं मेहा ! सत्तुस्सेहे जाव सन्निजाईसरणे चउद्दंते मेरुप्पभे नाम हत्थी होत्था । तते णं तुज्झ मेहा ! अयमेयारूवे अज्झत्थिए जाव समुप्पज्जित्था सेयं खलु मम इयाणि गंगाए महानदीए दाहिणिल्लंसि कुलंसि विंझगिरिपायमूले दवग्गिसंताणकारणट्ठा सएणं जूहेणं महतिमहालयं मंडलं घाइत्तए त्ति कट्टु एवं संपेहेसि, संपेहित्ता सुहंसुहेण विहरसि । तते
हा ! अन्नयाकयाइ पढमपाउसंसि महावुट्ठिकार्यंसि सन्निवइयंसि गंगाए महाणदीए अदूरसामंते बहूहिं हत्थीहिं जाव कलभियाहिं य सत्तहिं य हत्थसए हिं संपरिवुडे एगं महं जोयणकरिमंडलं महतिमहालयं मंडलं घाएसि, जं तत्थ तणं वा पत्तं वा कट्टं वा कंटए वा लया वा वल्ली वा खाणुं वा रूक्खे वा खुवे वा तं सव्वं तिक्खुत्तो आहुणिय पाएण उट्ठवेसि, हत्थेणं गेण्हसि, एगंते एडेसि, एडित्ता तते णं तुमं मेहा! तस्सेव मंडलस्स अदूरसामंते गंगाए महानदीए दाहिणिल्ले कूले विंझगिरी पायमूले गिरीसु य जाव विहरसि । तते णं तुमं मेहा ! अन्नया कयाति मज्झिमए वरिसारत्तंसि महावुट्टिकायंसि सन्निवइयंसि जेणेव से मंडले तेणेव उवागच्छसि, उवागच्छिता दोच्चं पि मंडलं घाएसि, एवं चरिमवरिसारतंसि महावुट्टिकायंसि संनिवयमाणंसि जेणेव से मंडले तेणेव उवागच्छसि । उवागच्छिता तच्च पि मंडलघायं करेसि, जं तत्थ तणं वा जाव सुहंसुहेणं विहरसि । अह मेहा ! तुमं गइंदभावमि वट्टमाणो कमेणं नलिणिवणविहवणकरे हेमंते कुं दलोद्धउद्धततुसारपउरंमि अतिक्कं ते, अहिणवगिम्हसमयंसि पत्ते, वियट्टमाणो वणेसु वणकरेणुविविहदिण्णकयपसवघाओ तुमं उउयकुसुमकयचामरकण्णपूरपरिमंडियाभिरामो मयवसविगसंतकडतडकिलिन्नगंधमदवारिणा सुरभिजणियगंधो करेणुपरिवारिओ उउसमत्तजणितसोभो, काले दिणयरकरपयंडे परिसोसियतरुवरसिहर भीमतरदंसणिज्जे भिंगाररवंतभेरवरवे णाणाविहपत्तकट्ठतणकयवरुद्धतपइमारुयाइद्धनहयलदुमगणे वाउलिदारुणतरे तण्हावसदोसदूसियममंतविविहसावयसमाउले भीमदरिसणिज्जे वट्टंते दारुणंमि गिम्हें, मारुतवसपसरपसरियवियंभिएणं अब्भहिंभीममेववप्पग्गारेणं मूहधारपडियसित्त उद्धायमाण धगधगेत संदुद्धएणं दित्ततरसफुलिंगेणं धूममालाउलेणं सावयसयंतकरणेणं वणदवेणं जालालोवियनिरुद्धधूमंधकारभीओ आयवालोयमहंततुंबइयवुन्नकण्णो आकुंचियथोरपीवरकरो भयवसभयंतदित्तनयणो वेगेण महामहो व्व वायणोल्लियमहल्लरूवो जेण कओ ते पुरा दवग्गिभयभीयहियएणं अवगयतणप्पएसरुक्खो रुक्खोंद्देसो दवग्गिसंताणकारणट्ठा तेहिं बहूहिं हत्थिहिं य सद्धिं जेणेव मंडले तेणेव पहारेत्थ गमणाए। एक्को ताव एस गमो । तते णं तुमं मेहा ! अन्नया कयाइ कमेणं पंचसु उऊसु समतिक्कंतेसु, गिम्हकालसमयंसि जेट्ठामूलमासे पायवधंससमुट्ठिएणं जाव संवट्टिएस मिय-पसुTO श्री आगमगुणमंजूषा ६०८
AGRO
| SR No. | 003256 |
| Book Title | Agam 06 Ang 06 Gnatadharma Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 116 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 11 MB |