Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 58

(३) ठाणं प. अ. पंचद्वाणं उ १२ [४८]
संवसमाणी वि गब्धं नो धरेज्जा, तंजहा अप्पत्तजोव्वणा १, अतिक्कंतजोव्वणा २, जातिवंझा ३, गेलन्नपुट्ठा ४, दोमणंसिता ५ । इच्चेतेहिं पंचहिं ठाणेहिं जाव नो धज्जा २ | पंचहि ठाणेहिमित्थी पुरिसेण सद्धिं संवसमाणी वि गब्भं नो धरेज्जा, तंजहा निच्चोउया अणोउया वावन्नसोया वाविद्धसोया अणंगपडिसेविणी । इच्चे हिं पंच ठाणेहिमित्थी पुरिसेण सद्धिं संवसमाणी वि गब्भं णो धरेज्जा ३ | पंचहिं ठाणेहिं इत्थी पुरिसेहिं सद्धिं संवसमाणी वि गब्धं नो धरेज्जा, तंजहा उउम्मि णो णिगामपडिसेविणी तावि भवति, समागता वा से सुक्कपोग्गला पडिविद्धंसंति, उदिन्ने वा से पित्तसोणिते, पुरा वा देवकम्मुणा, पुत्तफले वा नो निव्विट्टे भवति । तेहिं जाव नो धरेना ४ । ४१७. पंचहिं ठाणेहिं निग्गंथा य निग्गंथीओ य एगतओ ठाणं वा सेज्जं वा निसीहियं वा चेतेमाणा णातिक्कमंति, तंजहा अत्थेगइया निग्गंथा य निग्गंथीओ य एगं महं अगामितं छिन्नावायं दीहमद्धमडविमणुपविट्ठा, तत्थेगयतो ठाणं वा सेज्जं वा निसीहियं वा चेतेमाणा णातिक्कमति १, अत्थेगतिया
KGK96
原
यणिग्गंथीओ य गामंसि वा णगरंसि जाव रायहाणिसि वा वासं उवगता, एगतिता यत्थ उवस्सयं लभंति, एगतिता णो लभंति, तत्थेगततो ठाणं वा जाव नातिक्कमंत २, अत्थेगतिता निग्गंथा य निग्गंधीओ य नागकुमारावासंसि वा सुवण्णकुमारावासंसि वा वासं उवगता तत्थेग यओ जाव णातिक्कमंति ३, आमोसगा दीसंति, ते इच्छंति निग्गंथीओ चीवरपडिताते पडिगाहेत्तते, तत्थेगतओ ठाणं वा जाव णातिक्कमंति ४, जुवाणा दीसंति ते इच्छंति निम्गंथीओ मेहुणपडता पडिगाहित्तते, तत्थेगततो ठाणं वा जाव णातिक्कमंति ५ । इच्चेतेहिं पंचहिं ठाणेहिं जाव नातिक्कमंति । पंचहिं ठाणेहिं समणे निग्गंथे अचेलए सचेलियाहिं निग्गंथी हिं सद्धिं संवसमाणे नाइक्कमति, तंजहा खित्तचित्ते समणे णिग्गंथे निग्गंथेहिमविज्जमाणेहिं अचेलए सचेलियाहिं निग्गंथीहिं सद्धिं संवसमाणे णातिक्कमति १, एवमेतेणं गमणं दित्तचित्ते जक्खातिट्ठे उम्मायपत्ते निग्गंथीपव्वावियते समणे णिग्गंथे णिग्गंथेहिं अविज्नमाणेहिं अचेलए सचेलियाहिं णिग्गंथीहिं सद्धिं संवसमाणे णातिक्कमति । ४१८. पंच आसवदारा पन्नत्ता, तंजहा मिच्छत्तं अविरती पमादो कसाया जोगा। पंच संवरदारा पन्नत्ता, तंजहा सम्मत्तं विरती अपमादो अकसातित्तमजोगित्तं । पंच दंडा पन्नत्ता, तंजहा अट्ठादंडे अणट्ठादंडे हिंसादंडे अकम्मादंडे दिट्ठीविप्परियासितादंडे । ४१९. मिच्छदिट्ठियाणं णेरइयाणं पंच किरिताओ पन्नत्ताओ, तंजहा आरंभिता १, पारिग्गहिता २, मातावत्तिता ३, अपच्चक्खाणकिरिया ४, मिच्छादंसणवत्तिता ५ । एवं सव्वेसिं निरंतरं जाव मिच्छदिट्ठिताणं वेमाणिताणं, नवरं विगलिदिता मिच्छदिट्ठि ण भण्णंति, सेसं तहेव । पंच किरियातो पन्नत्ताओ, तंजहा कातिता, अधिकरणिता, पातोसिता, पारितावणिता, पाणातिवातकिरिया । णेरइयाणं पंच एवं
निरंतरं जाव वेमाणियाणं १ । पंच किरिताओ पन्नत्ताओ, तंजहा आरंभिता जाव मिच्छादंसणवत्तिता १८ । णेरइयाणं पंच किरिता [ओ एवं चेव] निरंतरं जाव वेमाणियाणं २ । पंच किरियातो पन्नत्ताओ, तंजहा दिट्ठिता, पुठ्ठिता, पाडोच्चिता, सामंतोवणिवाइया, साहत्थिता । एवं णेरइयाणं जाव वेमाणियाणं ३ | पंच किरियातो पन्नत्ताओ, तंजहा णेसत्थिता, आणवणिता, वेयारणिया, अणाभोगवत्तिता, अणवकंखवत्तिता । एवं जाव वेमाणियाणं ४ | पंच किरियाओ पन्नत्ताओ, तंजहा पेज्जवत्तिता, दोसवत्तिया, पओगकिरिया, समुदाणकिरिया, इरियावहिया । एवं मणुस्साण वि, सेसाणं नत्थि ५ । ४२०. पंचविधा परिन्ना पन्नत्ता, तंजहा उवहिपरिन्ना, उवस्सयपरिन्ना, कसायपरिन्ना, जोगपरिन्ना, भत्तपाणपरिन्ना । ४२१. पंचविधे ववहारे पन्नत्ते, तंजहा आगमे सुते आणा धारणा जीते। जहा से तत्थ आगमे सिता आगमेणं ववहारं पट्ठवेज्जा १, णो से तत्थ आगमे सिया जहा से तत्थ सुते सिता सुतेणं ववहारं पट्टवेज्जा २, णो से तत्थ सुते सिता एवं जाव जधा से तत्थ जीते सीता जीतेणं ववहारं
वेन ५, इच्चेतेहिं पंचहिं ववहारं पट्टवेज्जा, तंजहा आगमेणं जाव जीतेणं । जधा जधा से तत्थ आगमे जाव जीते तहा तहा ववहारं पवेज्जा | से किमाहु भंते ! आगमबलिया समणा निग्गंथा ? इच्चेतं पंचविधं ववहारं जता जता जहिं जहिं तता तता तहिं तहिं अणिस्सितोवस्सितं सम्मं ववहरमाणे समणे णिग्गंथे आणा आराधते भवति । ४२२. संजतमणुस्साणं सुत्ताणं पंच जागरा पन्नत्ता, तंजहा सद्दा जाव फासा । संजतमणुस्साणं जागराणं पंच सुत्ता पन्नत्ता, तंजहा सद्दा जाव फासा । असंजयमणुस्साणं सुत्ताणं वा जागराणं वा पंच जागरा पन्नत्ता, तंजहा सद्दा जाव फासा । ४२३. पंचहि ठाणेहिं जीवा रतं आदियंति, तंजहा पाणातिवातेणं जाव परिग्गहेणं | पंचहिं ठाणेहिं जीवा रतं वमंति, तंजहा पाणातिवातवेरमणेणं जाव परिग्गहेवेरमणेणं । ४२४. पंचमासियं णं भिक्खुपडिमं पडिवन्नस्स अणगारस्स श्री आगमगुणमंजूषा १४६
YO