Page Text
________________
MOTOR
(१) आयारो बी. सु. ३ अ. इरिया उद्देसक २,३ [३४]
फ्र
पवेज्ज वा । ततो संजयामेव गामाणुगामं दूइज्जेज्जा । ४९२. से भिक्खू वा २ गामाणुगामं दूइज्नमाणे णो परेहिं सद्धिं परिजविय २ गामाणुगामं दूइज्जेज्जा । ततो • संजयामेव गामाणुगामं दूइज्जेज्जा । ४९३. से भिक्खू वा २ गामाणुगामं दूइज्जेज्जा, अंतरा से जंघासंतारिमे उदगे सिया, से पुव्वामेव ससीसोवरियं कायं पाए य मज्जेज्जा से पुव्वामेव ससीसोवरियं कायं पाए य पमज्जेत्ता एवं पादं जले किच्चा एगं पायं थले किच्चा ततो संजयामेव जंघासंतारिमे उदगे अहारियं रीएज्जा । ४९४. से भिक्खू वा २ जंघासंतारिमे उदगे अहारियं रीयमाणे णो हत्थेण हत्थं जाव अणासायमाणे ततो संजयामेव जंघासंतारिमे उदगे अहारियं रीएज्जा । ४९५. सेभिक्खू वा २ जंघासंतारिमे उदए अहारियं रीयमाणे णो साथपडियाए णो परिदाहपडियाए महतिमहालयंसि उदगंसि कायं विओसेज्जा । ततो संजयामेव जंघासंतारिमे उदए अहारियं रीएज्जा । ४९६. अह पुणेवं जाणेज्जा पारए सिया उदगाओ तीरं पाउणित्तए । ततो संजयामेव उदउल्लेण वा ससणिद्वेण वा काएण दगतीरए चिट्ठेज्ना । ४९७. से भिक्खू वा २ उदउल्लं वा कार्यं ससणिद्धं वा कायं णो आमज्जेज्ज वा पमज्जेज्ज वा ० । अह पुणेवं जाणेज्ना विगतोदए मे काए छिण्णसिणेहे । तहप्पगारं कायं
मज्जेज वा जाव यावेज्ज वा । ततो संजयामेव गामाणुगामं दूइज्जेज्जा । ४९८. से भिक्खू वा २ गामाणुगामं दूइज्जमाणे णो मट्टियागतेहिं पाएहिं हरियाणि छिदिय २ विकुज्जिय २ विफालिय २ उम्मग्गेण हरियवधाएं गच्छेज्जा 'जहेयं पाएहिं मट्टियं खिप्पामेव हरियाणि अवहरंतु' । माइद्वाणं संफासे । णो एवं करेज्जा से पुव्वामेव अप्पहरियं मग्गं पडिलेहेज्जा, २ त्ता ततो संजयामेव गामाणुगामं दूइज्जेज्जा । ४९९. से भिक्खू वा २ गामाणुगामं दूइज्माणे अंतरा से वप्पाणि वा फलिहाणि वा पागाराणि वा तोरणाणि वा अग्गलाणि वा अग्गलपासगाणि वा गड्डाओ वा दरीओ वा सति परक्कमे संजयामेव परक्कमेज्जा, णो उज्जुयं गच्छेज्जा । केवली बूया आयाणमेयं । से तत्थ परक्कममाणे पयलेज्ज वा पवडेज्ज वा, से तत्थ पयलमाणे वा पवडमाणे वा रुक्खाणि वा गुच्छाणि वा गुम्माणि वा लयाओ वा वल्लीओ वा तणाणि व गाणिवा हरियाणि वा अवलंबिय २ उत्तरेज्जा, जे तत्थ पाडिपहिया उवागच्छंति ते पाणी जाएज्जा, २ त्ता ततो संजयामेव अवलंबिय २ उत्तरेज्जा । ततो संजयामेव गामाणुगामं दूइज्जेज्जा । ५००. से भिक्खू वा २ गामाणुगामं दूइज्जमाणे, अंतरा से जवसाणि वा सगडाणि वा रहाणि वा सचक्काणि वा परचक्काणि वा सेणं वा विरूवरूवं संणिविट्टं पेहाए सति परक्कमे संजयामेव परक्कमेज्जा, णो उज्जुयं गच्छेज्जा । ५०१. से णं से परो सेणागओ वदेज्जा आउसंतो ! एस णं समणे सेणाए अभिचारियं करेइ, से णं बाहाए गहाय आगसह । से णं परो बाहाहिं गहाय आगसेज्जा, तं णो सुमणे सिया जाव समाहीए। ततो संजयामेव गामाणुगामं दूइज्जेज्जा, ५०२. से भिक्खू वा २ गामाणुगामं दूइज्जमाणे, अंतरा से पाडिपहिया उवागच्छेज्जा, ते णं पाडिपहिया एवं वदेज्जा आउसंतो समणा ! केवतिए एस गामे वा जाव रायहाणी वा, केवतिया एत्थ आसा हत्थी गामपिंडोलगा मणुस्सा परिवसंति ? से बहुभत्ते बहुउदए बहुजणे बहुजवसे ? से अप्पभत्ते अप्पुदए अप्पजणे अप्पजवसे ? एतप्पगाराणि पसिणाणि पुट्ठो नो आइक्खेज्जा, एयप्पगाराणि पसिणाणि णो पुच्छेज्ना । ५०३. एतं खलु तस्स भिक्खुस्स वा भिक्खुणीए वा सामग्गियं जं सव्वहिं समिते सहिते सदा जएज्जासि त्ति बेमि ॥ ★★★ ॥ तृतीयस्स द्वितीय उद्देशकः समाप्तः ॥ ★★★ तइओ उद्देसओ ५०४. से भिक्खू वा २ गामाणुगामं दूइज्माणे अंतरा से वप्पाणि वा फलिहाणि वा पागाराणि वा जाव दरीओ वा कूडागाराणि वा पासादाणि वा णूमगिहाणि वा रुक्खगिहाणि वा पव्वतगिहाणि वा रुक्खं वा चेतियकडं धूमं वा चेतियकडं आएसणाणि वा जाव भवणगिहाणि वा णो बाहाओ पगिज्झिय २ अंगुलियाए उद्दिसिय २ ओणमिय २ उण्णमिय २ णिज्झाएज्जा । ततो संजयामेव गामाणुगामं दूइज्जेज्जा । ५०५. से भिक्खू वा २ गामाणुगामं दूइज्जमाणे, अंतरा से कच्छाणि वा दवियाणि वा माणिवा वलयाणि वा गणाणि वा गहणविदुग्गाणि वा वणाणि वा वणविदुग्गाणि वा पव्वताणि वा पव्वतविदुग्गाणि वा अगडाणि वा तलागाणि वा दहाणि वा णदीओ वा वावीओ वा पोक्खरणीओ वा दीहियाओ वा गुंजालियाओ वा सराणि वा सरपंतियाणि वा सरसरपंतियाणि वा णो बाहाओ पगिज्झिय २ जाव णिज्झाएज्जा । केवल बूया आयाणमेयं । जे तत्थ मिगा वा पसुया वा पक्खी वा सरी सिवा वा सीहा वा जलचरा वा थलचरा वा खहचरा वा सत्ता ते उत्तसेज्ज वा, वित्तसेज्ज वा, वार्ड वासरणं वा कंखेज्जा, चारे ति मे अयं समणे । अह भिक्खूणं पुव्वोवदिट्ठा ४ जं णो बाहाओ पगिज्झिय २ जाव णिज्झाएज्जा । ततो संजयामेव आयरिय-उवज्झाएहिं
MOTOR श्री आगमगुणमंजूषा - ३४ 原
| SR No. | 003251 |
| Book Title | Agam 01 Ang 01 Acharanga Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 70 |
| Language | Prakrit |
| Classification | Book_Devnagari, Agam, Canon, F000, F001, & agam_acharang |
| File Size | 10 MB |