Page Text
________________
दाने कृतपुण्य-कथा। धोव-कुसुंभय-सरिसो एस कयपुन्नओ, ता अलमियाणिमणेण । तीए भणियं - 'अम्मो! मा एवं भणसु, मणोरहाइरेतं दिनमणेण दवं' । तीए भणियं
'जं दिन्नं तं गहियं, इण्हि से णत्थि तेण णीणेमो ।
अम्हाण एस धम्मो, मा धम्माइक्कम कुणसु ॥' 'बोडाण एस धम्मो पहाण-गणियाण लज्जणं एयं ।
अन्नं च पुणो दाहिई एसो च्चिय इच्छियं दत्वं ।' ता अम्मो ! अलमणेण अयस-निबंधणेण दुरज्झवसाएणं । अन्नं च
"नेय जोवणम्मि लुद्धा अहयं रयणेहिं विविह-रूवेहिं ।
गुण-लुद्धा ते य गुणा पज्जत्ता इत्थ' पुरिसंमि ॥" कलुसिय-चिता ठिता तुहिका वाइया । दा(पा)ऊण य मजं रयणीए मंचयारूढो॥ मुक्को देवउलियाए । निदा-खय-विबुद्धो य चिंतिउं पयत्तो-हंत ! किमेस सुमिणओ? किंवा मोहो? किमिंदयालं वा? पयइ-विवजासो किं? किं वा खेत्तरं ? । मुणिय-मणोवियप्पाए य भणिओ पास-वत्तिणीए चेडीए-'अलं सेस-वियप्पेहिं, नियय-धम्ममणुसरंतीए निच्छूढो वसंतसेणा-मड्डाए जोन्न-कुट्टिणीए, ता वच्चसु णियय-मंदिरं' । विमणदोम्मणो पयट्ठो(ट्टो) गेहाभिमुहं । महारग्नं पिव णट्ठ-माणसं, कुकइ-कवं पिव गय-सुवण्णा- 15 लंकारं, सुक्क-तडागं पिव पणट्ठ-सोहं दिटुं मंदिरं । अब्भुट्टिओ भारियाए, साहिओ सहो वि जणणि-जणय-मरण-पज्जवसाणो गेह-वुत्तंतो । अवि य
तं किं पि अणन्न-समं दुक्खं से आसि तंमि समयम्मि ।
जं कहिऊण न तीरइ सारिच्छं नारय-दुहेण ॥ पुच्छिया य सा किंचि भंड-मोल्लमत्थि? । तीए वि दावियाणि आहरणगाणि, . रूवय-सहस्सं च । 'कह मेत्ताईण अयस-कलंकियमप्पाणं दाएमि?" मन्नमाणेण भणिया भारिया- 'वच्चामो देसंतरं' । तदिवसं च रिउ-न्हायाए सह वसिओ । गब्भो य लग्गो पवडिउं । अन्न-दिवसंमि पयट्टो सत्थो, तेण सह पहिओ देवउलियाए मंचयारूढो । एत्थंतरम्मि तहाविह-भवियवयाए एगाए ईसरीए प[व]हण-भंग-विवन्नं पुत्तं नाऊण 'मा तणय-रहियं मंदिरं राया विलंपिस्सइ, ता गवेसेमि किंचि पुरिसं' ति मन्नमाणीए सत्थ-मज्झाओ उट्ठाविऊण कयपुनओ नीओ नियय-गेहे । वधूण पुरओ कंठे चित्तूण रोवियं(उ) पयत्त त्ति ।
पावाए मज्झ पुत्तय ! बालो चिय अवहिओ तुम तइया । महि-मंडले गविट्ठो ण य लद्धा तुज्झ वत्ता वि ॥ जा अज दिणे मुणिणा कहिओ ते आगमो तहा सुमिणे । दिट्ठो य कप्परुक्खो तओ तुमं पाविओ इहयं ॥ ता कत्थ य वड्डिओ तं कत्थ य भमिओ सि एत्तियं कालं ?। किं वा वि सुहं दुक्खमणुभूयं वच्छ ! मे साह ॥ पावा य अहं पुत्तय ! जा तुह विरहंमि जीविया जाया । ओवारणयं म्हि कया गुणसागर ! तुज्झ देहस्स ॥
25
१क.इह। २क.ठिओ।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |