________________
सिरि पंडियमणि-माणिक्क-विरइउ
अमरसेणचरिउ
संधि-१ [१-१]
ध्रुवक पणविवि तित्थंकर, सुहकारणु वर, कहमि मोक्खसुहु-रसभरिउ ।
भवियहँ सुहकारणु, दुक्खणिवारणु, हउ सिरि अमरसेणचरिउ ॥ सिरि रिसहणाहु जिणुसुइणिहाणु । सयल वि तित्थंकरजिणुपहाणु ॥१॥ सिरि अजिउणाहु वरसोक्खकारि । जिणु सयलदोसदुग्गइणिवारि ॥२॥ संभउ तित्थंकर सुहणिहाणु । अहिणंदणु भवियहँ विग्घणासु ॥३॥ सिरि सुमइणाहु महसुठुलीणु । पउमप्पहु परमप्पयहि लोणु ॥४॥ गयरायदोस जिणुवर सुपासु । हउ' पायभत्त तुहु अरुहदासु ॥५॥ चंदप्पहु जिणु सुहवरु वि कंजु । जिणु पुप्फयंतु तिल्लोयवंदु ॥६॥ जिणु सीयलु सयलव्वयपवीणु । सेयंसु वि सिवपर्याणच्चलोणु ॥७॥ वासवेण महिउ जिणु वासुपुज्जु । विमलु वि विमलयरगुणेहि सुज्जु ॥८॥ तित्थयरु अणंतु वि अंतचुक्कु । अरिकोहमाणमयसयलमुक्कु ॥९॥ जिणु धम्मु वि धम्मागमणिहाणु । सिरि संतिजिणेसरु जयपहाणु ॥०॥ सिरि कुंथु पालयउ विमलणाणु । अरणाहु वि लोयालोयजाणु ॥११॥ सिरि महिलणाहु गइकम्मवाहु । मणिसुव्वउ सिवरमणीहि-णाहु ॥१२॥ पुणु णमि जिणेंदु कम्महं कयंतु । सिरि मिणाहु भयवंतु संतु ॥१६॥ सिरिपासणाहु बहुविग्णासु । पुणु वड्ढमाणु चउगइ वि णासु ॥१४॥ जसु कल्लाणहं खित्तु वि पवित्त । जि पर्याडउ जिणवरधम्मसुत्त ॥१५॥
घत्ता ए सयल वि तित्थंकर, हुव होहिं धर, ते सह पणविवि पुहमि वर। पुणु अरुहहं वाणी, तिजयपहाणी, णियमणि धारि वि कुमइहरा ॥१॥
Jain Education International
For Private & Personal Use Only
www.jainelibrary.org
