________________
[ ५७ ]
सगाणं जाइमंताणं कुक्कुडीणं अंडएसु पक्खिवह " ते वि पक्खिति।
तते णं ते सत्यवाहदारगा सद्धिं सुभूभिमागस्स उज्जाणस्स उज्जाणसिरिं पञ्चणुभवमाणा विहरित्ता तमेव जाणं दुरूढा समाणा जेणेव चंपानयरीए, जेणेव सयाई सयाई गिहाई तेणेव उवागच्छंति, उवागच्छित्ता सकम्मसंपउत्ता जाया यावि होत्था । ___ तते णं जे से सागरदत्तपुत्ते सत्थवाहदारए से जेणेत्र वणमऊरीअंडए तेणेव उवागच्छति, उवागच्छित्ता तसि मऊरीअंडयसि संकिते, कंखिते वितिगिच्छासमावन्ने, भेयसमावन्ने, कलुससमावन्ने किं नं ममं एत्थ किलावणमऊरीपोयए भविस्सति उदाहु णो भविस्सइ त्ति कट्टु तं मऊरीअंडयं अभिक्खणं अभिक्खणं उव्वत्तेति, परियत्तेति, आसारेति, संसारति, चालेति, फंदेइ, घट्टेति, खोभेति, अभिक्खणं अभिक्खणं कन्नमूलंसि टिट्टियावेति । तते णं से मऊरीअंडए अभिक्खणं अभिक्खणं उव्यत्तिज्जमाणे टिट्टियावेज्जमाणे पोच्चडे जाते यावि होत्था।
तते णं से सागरदत्तपुत्ते सत्थवाहदारए अन्नया कयाई जेणेव से मऊरीअंडए तेणेव उवागच्छति, उवागच्छित्ता तं मऊरीअंडयं पोच्चडमेव पासति, पासित्ता " अहो णं मम एस किलावणए मऊरीपोयए ण जाए " त्ति कडु ओहतमणसंकप्पे शियायति ।
Jain Education International
For Private & Personal Use Only
www.jainelibrary.org
