________________
[ ४८ ]
उक्खित्ते । तसिं च णं अंतरंसि अन्नेहिं वलवंतेहिं सत्तेहिं पणोलिज्जमाणे पणोलिज्जमाणे ससए अणुपषिदे।
__ " तते णं तुम मेहा ! गायं कंडुइत्ता पुणरवि पाय पडिनिक्खामिस्सामि त्ति कट्ठ तं ससयं अणुपविटुं पाससि, पासित्ता पाणाणुकंपयाए, भूयाणुकंपयाए, जीवाणुकंपयाए, सत्ताणुकंपयाए सो पाए अंतरा चैव संधारिए, नो चेव णं णिक्खित्ते ।
"तते णं तुम मेहा ! ताए पाणाणुकंपयाए....जाच सत्ताणुकंपयाए संसारे परितीकते माणुस्साउए निबद्धे । ___" तते ण से वणवे अातिजाति रातिदियाइं तं वणं झामेइ, झामित्ता निटिए, उवरए, उवसंते, विज्झाए यावि होत्था।
“तते णं ते वहवे सीहा य....*जाव चिलला य तं वणदवं निद्वियं विज्झायं पासंति, पासित्ता अग्गिभयविप्पमुक्का तण्हाए य छुहाए य परव्भाहया समाणा ताण मंडलाओ पडिनिक्खमंति, पडिनिक्खमित्ता सबओ समंता विप्पसरित्था ।
__" तए णं तुम मेहा ! जुन्ने, जराजज्जरियदेहे, सिढिलवलितयापिणिद्धगते, दुबले, किलंते, पिवासिते, अस्थामे, अबले, अपरकमे, अचंकमणओ वा ठाणुखंडे वेगेण विप्पसरिस्सामि त्ति कट पाए पसारेमाणे विज्जुहते विव रयतगिरिपब्भारे धरणितलंसि सव्वंगेहि य सन्निवइए।
* पृष्ठ ४७, पंक्ति १५
Jain Education International
For Private & Personal Use Only
www.jainelibrary.org
