________________
[ १३२ ]
अह बम्मणस्स पुरओ, आगासत्येण तेण साहूणं । जीवाण दयट्ठाए, भणियं अणुकम्पजुत्तेणं ॥ ११॥ चउसु वि जीवेसु सया, एक्को वि हु नरगभविओ भणिओ । सुणिऊण उवज्झाओ, खीरकयम्बो तो भीओ ॥ १२ ॥ वीसजिया सहाया, निययघरं तो लहुं समल्लीणो। भाणओ सत्यिमईए, पुत्त ! पिया ते न एत्थाओ ॥ १३ ॥ तेणं पिइए सिद्, एही ताओ अवस्स दिवसन्ते । तईसणूसुयमणा, अच्छइ मग्गं पलोयन्ती ॥ १४ ॥ अस्थमिओ चिय सूरो, तह वि घरं नागओ उवज्झाओ। सोगभरपीडियङ्गी, सत्थिमई मुच्छिया पडिया ॥ १५॥ आसत्था भणइ तओ, हा कटुं मन्दभागधेजाए । किं मारिओ सि दइओ, एगागी कं दिसं पत्तो ॥ १६ ॥ किं सव्वसङ्गरहिओ, पन्वइओ तिव्वजायसंवेगो। एवं विलवन्तीए, निसा गया दुक्खियमणाए ॥ १७ ॥ अरुणुग्गमे पयट्टो, पव्वयओ गुरुगवेसणढाए । पेच्छइ नईतडटुं, पियरं समणाण मज्झम्मि |॥ १८ ॥ निग्गन्थं पव्वइयं, दगुण गुरुं कहेइ जणणीए । सुणिऊण अइविसण्णा, सत्थिमई दुक्खिया जाया ॥ १९ ॥
Jain Education International
For Private & Personal Use Only
www.jainelibrary.org
