________________
[ ९. ]
ततो तेहिं काहावणो दिण्णा, सगडं तित्तिरं च घेत्तुं पयत्ता।
ततो तेणं सागडिएणं भण्णाति - " कीस एयं सगडं नेहि ?" त्ति।
तेहिं भणियं - " मोलेण लइययं " ति ।
ततो ताणं ववहारो जाओ, जितो सो सागडिओ, हिओं य सो सगडो तित्तिरीए समं । ___ सो सागडिओ हियसगडोवगरणो जोग -- खेम - निमित्तं आणिएल्लियं वइलं घेत्तूणं विकोसमाणो गंतुं पयत्तो, अण्णेण य कुलपुत्तएणं दीसइ, पुच्छिओ य - " कीस विक्कोससि ?"
तेण लवियं-" सामि ! एवं च एवं च अइसंधिओहं।"
ततो तेण साणुकंपेण भणिओ - "वच्च ताणं चेव गेहं, एवं च एवं च भणाहि " ति।
ततो सो तं वयणं सोऊण गओ, गंतूण य तेण भणिआ“ सामि! तुभेहिं मम भंडभरिओ सगडो हिओ ता इमं पि बइलं गेण्हह । मम पुण सत्तुयादुपालियं देह, जं घेत्तूण वच्चामि त्ति । न य अहं जस्स व तस्स व हत्थेणं गेण्हामि, जा तुज्झ घरिणी पाणेहि वि पिययरी सबालंकारभूसिया तीए दायव्वा, ततो मे परा तुट्ठी भविस्सइ । जीवलोगभंतरं व अप्पाणं मनिस्सामि ।"
Jain Education International
For Private & Personal Use Only
www.jainelibrary.org
