________________
१८०
[८.१५.८
महापुराण कुलवहुमंडणु भत्तारभत्ति
असि रायहु मंडणु मंतसत्ति । माणहु मंडणु अदीणवयणु . भवणहु मंडणु वरणारिरयणु । कइमंडणु णिवाहियणिबंधु गयणहु मंडणु ससि कमलबंधु । पियपेम्महु मंडणु पणयकोउ आरंभहु मंडणु खलविओउ। किंकरमंडणु पहुकज्जकरणु
णरवइमंडणु पाइक्कभरणु। सिरिमंडणु पंडिंययणु णिरुत्तु पंडियमंडणु णिम्मच्छरत्तु । पुरिसहु मंडणउ परोवयारु धरणिंदें पालिउ णिव्वियारु । उद्धरिय वे वि णमि विणमि भाय को पावइ एयहु तणिय छाय । अहवा किं होसइ किर परेण परिणवइ दइउ सव्वायरेण । घत्ता-किं किजइ अण्णे दिजइ सव्वहु पुण्णु जि सामिउ ।
ते कित्तणु भरहपहुत्तणु पुप्फयंतगैयगामिउ ॥१५॥
इय महापुराणे तिसटिमहापुरिसगुणालंकारे महाकइपुप्फयंतविरइए महाभग्वभरहाणु
मण्णिए महाकव्वे णमिविणमिरजलंभो णाम अट्टमो परिच्छेओ सम्मत्तो ॥८॥
॥ संधि ॥८॥
।... ४. M सोहइ । ५. MBP होइ । ६. MBP°गई।
Jain Education International
For Private & Personal Use Only
www.jainelibrary.org
