________________
અધ્યાત્મજ્ઞાન પ્રસારક મંડળ તરફથી પ્રકાશિત થયેલ દેવચન્દ્રજી ભાગ પહેલામાં મુદ્રિત થયેલ જ્ઞાનમંજરી ટીકાનો ઉપયોગ કર્યો છે પણ તે પુસ્તક ઘણું અશુદ્ધ છપાયેલું હોવાથી અને કેટલાંક પાઠો રહી ગયેલા હોવાથી અનુવાદ કરવામાં ઘણી મુશ્કેલી નડી હતી. ત્યારબાદ ભાવનગર સંઘનાં જ્ઞાનભંડારની જ્ઞાનમંજરી ટીકાની પ્રત શેઠ શ્રી કુંવરજીભાઈ આણંદજી તરફથી મળી તે પ્રતિ પણ અશુદ્ધ અને તેના અક્ષરો ભુંસાઈ ગયેલા હતાં. છતાં અનુવાદ કરવામાં તેની કિંમતી મદદ મળી છે” આવું વાંચીને ભાવનગરની પ્રત મેળવવા માટે શાસ્ત્ર સંશોધક પૂ. મુનિચન્દ્રસૂરીશ્વરજી મહારાજાને વાત કરી... તેઓશ્રીએ અમદાવાદ ડહેલાનાં ઉપાશ્રયની એક હસ્તપ્રતિ પૂ. જગચંદ્રસૂરીશ્વરજી મહારાજાનાં સૌજન્યથી મેળવીને અમને આપી. પછી તો વાત આગળ વહેતી થઈ. અધ્યાપકવર્ય શ્રી જગદીશભાઈના સૌજન્યથી મોહનલાલજી જ્ઞાનમંદિર સુરતથી બીજી હસ્તપ્રતિ મળી. જેમાં ઘણા સારા પાઠો મળ્યા... તથા એમાં કોઈ પૂજ્યશ્રીએ (કદાચ સાગરજી મહારાજનાં હોય એમ કલ્પના થાય છે) સુધારા કરેલા છે જે સાચા-સારા હોઈ અહીં લીધેલ છે... જ્યાં એ પાઠ નથી લીધા ત્યાં S.M. (સંશો.) આવી રીતે નોંધ કરીને તે તે પાઠો ફૂટનોટમાં આપેલ છે. ત્યારબાદ શાસ્ત્ર સંશોધનપ્રેમી પૂ. શીલચંદ્રસૂરીશ્વરજી મહારાજાએ તો કમાલ કરી દીધી... એક-બે... નહીં, સાત-સાત હસ્તપ્રતિઓ વડોદરા-ભાવનગર-અમદાવાદ વિ. ભિન્ન ભિન્ન સ્થળેથી મંગાવીને મોકલી જેમાં વડોદરાની તથા ભાવનગરની પ્રતિઓએ પણ ખૂબજ સારા (મહત્ત્વના) પાઠ આપ્યા... તથા છેલ્લે વિદ્યાદાતા-ઉપકારી પ્રાધ્યાપકવર્ય શ્રી ચંદ્રકાંતભાઈએ પાટણથી ૩ પ્રતિઓ મોકલી. પણ એ માત્ર મૂળગ્રંથની જ હતી. ૧ બાલાવબોધની હતી... આમ આ બધી જ હસ્તપ્રતિઓને આધારે સંશોધન કામ ચાલુ થયું. ઘણા સ્થળે ૨-૨ લીટીનાં પાઠો નવા મળી આવ્યાં... બીજી પણ ઘણી જગ્યાએ શુદ્ધિઓવાળા સારા પાઠ મળ્યા. પણ એકથી અનેક પાઠો અર્થસંગત મળે... ત્યારે કયો પાઠ લેવો એની મુંઝવણ થાય ત્યારે શું કરવું?... એટલે સતત પૂ. શીલચન્દ્રસૂરીશ્વરજી મહારાજા...પૂ. આ. ભ. શ્રી
(૩૫)
Jain Education International
For Private & Personal Use Only
www.jainelibrary.org
