________________
नेमिनाहचरिउ
[ २२५१
[२२५१]
तयणु जेट्ठिण भणिउ - अरि रक्खि सुह-मुत्त महोरगिणि ता कणिठु पभणेइ - निसुणहि । कसरक्कउ जारिसउ हवइ चक्क-चंपियहि एयहि ॥ चोएइ य संदण-वसह तह जह कसरक्केण । चक्किण चंपविणु निहय झत्ति महोरगि तेण ॥
[२२५२]
अह तहाविह-स-कय-जोगेण एगम्मि महा-नयरि उरगि पवर-सेहिस्स कन्नय । संजाय जोव्वण-समइ तिण वि पवर-वणियस्सु दिन्नय ॥ ते-वि-हु तेसिं वि-य ललिय- गंगएव-अभिहाण । जाया दो-वि-हु अंगरुह निय-सुह-असुह-निहाण ॥
[२२५३]
किंतु जेट्टउ तणउ तर्हि इछु अच्चंत-अणिटु लहु इय स जयइ तसु हणण-कज्जिण । इय मुणिउण दूरयरि घरि विमुक्कु तो नेउ जणइण ॥ अवरम्मि उ वासरि हुयइ गरुयइ पव्व-विसेसि । पिउ-चयणिण उवविसिवि निय-मंदिर-दार-पएसि ॥
[२२५४]
गंगए० सु जाव भुंजेइ ता जणणिहिं सच्चविउ तयणु पुव्व-भव-भावि वइरिण । निस्सारिउ अमरिसिण धरिवि पइहि निय-घरह दारिण ॥ अक्कोसिउ नाणा-विहिहिं निहणिउ विविह-पयारु । एत्थंतरि तहिं आगयउं मुणि-जुयलउं जय-सारु । २२५१. ८ क. नियह.
____Jain Education International 2010_05
For Private & Personal Use Only
www.jainelibrary.org
