________________
४६२
नेमिनाहचरिउ
[२०३६ [२०३६] एत्थ-अंतरि धूमसिह-खयरु मह दइयह लुद्ध-मणु निहणणत्थु छिड्डइं पलोइरु । परिथक्कउ कालु चिरु हउं वि अज्ज सह पियह कीलिरु ॥ पाविण तेण निरिक्खिउण मुणिउण एगागि त्ति । मह एयारिस दस करिवि दइय हरेवि गओ त्ति ॥
[२०३७] __इय दुवे वि-हु विविह-सुह-दुक्खकह-जोगिण ठाउ खणु निय-निएस ठाणेसु पत्तय । वणि-पुत्तु वि मित्तवइ- नाम स-पिय वहु-गुणिहिँ जुत्तय ॥ वयणेणं पि हु नालवइ न कुणइ क-वि पडिवत्ति । चिट्ठइ विसयहं विमुह-मण- पसरु जहा सु मुणि त्ति ॥
[२०३८] ... इहु सुणेविणु जणय-जणणीहि । दुल्ललिय-गोद्विहिं तणउ ख्रिविउ तिहिं वि निय-वुद्धि-जोगिण । कलिंगसेणा-गणिय- धुय-वसंतसेणा-पसंगिण ॥ वासाविउ तह कह-वि जह थोवेहिं वि वरिसेहिं । सोलस-कंचण-कोडियउ फेडइ सह स-जसेहिं ॥
[२०३९] अह सु निद्धणु मुणिवि गणियाहिं नीहारिउ निय-घरह परिभमंतु पुणु स-घरि पत्तउ । तयणंतरु मय-जणणि- जणउ सयल-मुहि-सयण-चत्तउ ॥ ता निय-धरिणिहि आहरण- मोल्लिण भंड गहेवि । वाणिज्जिण सह माउलिण नयरंतरि गच्छेवि ॥ २०३६. ३. क. निहणत्यु, ख. निहणणुत्थु.
२०३७. १. क. इव.
____Jain Education International 2010_05
For Private & Personal Use Only
www.jainelibrary.org
