________________
७००
नेमिनाहचरिउ
[ ३१६१ [३१६१] ज ज निरिक्खसि नारि तुडं मुद्ध जइ रज्जसि तहिं तहिं जि ता लवं पि तुहुं हवसि अच्छिरु । सोइज्जसि सज्जणिहिं गय-सरन्नु दुग्गइहिं गच्छिरु ॥ पुणरवि दुल्लह एरिसिय धम्म-कम्म-सामग्गि । इय आलोइवि दुच्चरिय जिण-देसिय-पहि लग्गि ॥
[३१६२] एम्ब वहुविह राइमइ-समणिवयणंकुस-ताडियउ तह कहं-चि रहनेमि-कुंजरु । जह पच्छायाव-दव- तविय-अंगु सम्मग्ग-सुंदरु ॥ आलोइवि दुच्चरिय पडिवज्जिवि पायच्छित्तु । आराहिवि जिणवर-किरिय निय-मणु करिवि पवित्त ॥
[३१६३] कमिण अइगय-वरिस-परियाउ उप्पाडइ नाण-धणु एम्ब-कारि पुणु गारिहत्थिण । चउ-वरिस-सयाई अह वरिसु एगु छउमत्थ-भाविण ॥ पंच जि वरिस-सयाई पुणु केवलि-परियारण । विहरिवि सिरि-रहनेमि-मुणि सिद्धउ कम्म-खएण ॥
[३१६४] सु वि महा-यसु गहिय-चारित्तु सम-सत्तु-मित्तत्तणिण केसवस्सु वंधवु कणिट्ठउ । उस्सग्गिण संठियउ सोमसम्म-भणिण दिहउ ॥ ता कोवारुण-लोयणिण तिण पाविण संलत्तु ।
अरि कत्तो सि हयास तुहुँ गयसुकुमाल पहुत्तु ॥ ३१६३.१. क. परियाओ.
Jain Education International 2010_05
For Private & Personal Use Only
www.jainelibrary.org
