________________
[ १९९४
नेमिनाहचरिउ
[१९९४] इय सुणेविणु दह्रमवि कंसवुत्तंतु स-तोस-मण समुदविजय-निव-पमुह जायव । अन्नोन्निण भणहिं जह सलहणिज्जु पिउ जणणि भाय व ॥ ते च्चिय हरिवंसुब्भविय जहिं सिरि-कंस-सरिच्छ । जायहिं ससहर-विमल-गुण-रयणावलि-पडिहच्छ ॥
[१९९५] ___ कहिं व उज्झिवि वंसु जायवहं सुय-रयण कंसह सरिस होंति भुवण-असमाण-वीरिय । इय भणिउण सीहरहु गहिवि पुरउ कंसह करा विय ॥ सिरि-जरसंधह वियरिउण समुदविजउ साहेइ । जह - जय-सहु कु एरिसउ पागय-पुरिसु वहेइ ॥
[१९९६ उग्गसेणह निवह तणएण एएण कंसाभिहिण गहिउ सीहरहु समर-धरणिहिं । वंधेउण निय-करिहिं तयणु जीवजस-पवर-तरुणिहि ॥ पाणि गहाविउ वित्थरिण जरसंघेण सु कंसु । तह जंपिउ जह-कंस तुहुं इच्छिउ पुरु मग्गेसु ॥
[१९९७] तयणु जणणी-जणय-उवरिम्भि परिओसु वहतिइण महुर-नयरि कंसेण मग्गिय । इयरेण वि विसय-जुय सा विइण्ण तमु ता निसग्गिय ॥ उज्जालंतउ वेर-मइ कंस-हयासु सु गंतु । महुरहं नयरिहिं पिउ-जणणि वंधेऊण तुरंतु ॥ १९९६. ९. क. पुर.
Jain Education International 2010_05
For Private & Personal Use Only
www.jainelibrary.org
