________________
६६४
[ २९७६
नेमिनाहचरिउ [२९७६]
नलिणि-कामिणि सिसिर-काउरिसविच्छाइय-तणु-लय वि पत्त-लच्छि किय महु-नरिदिण । कणियार-महहुम वि विहिय-सोह कय कुसुम-रिद्धिण ॥ कुरुवय-तरुवर घण-थणिउ तरुणित आलिंगंति । कामिणि-गंडूसइहिं पुणु केसर कुसुमिजंति ॥
[२९७७]
विरह-पायव पंचमुग्गारु निसुणेविण कुसुम-भरु लिंति वउल विसएहिं पंचहि । इय विसयासत्त जहिं तरु वि तत्थ किं कहउं अन्नहि ॥ इय एरिसइ वसंत-महि पसरिय तरु-नियरम्मि । हरिसु जणंतइ भुवणह वि जायव-नर-नियरम्मि ।
[२९७८]
रइय-असरिस-अंग-सिंगार निय-चारु-परियण-सहिय विहिय-सयल-मुहि-सयण-मण-सुह । हरि-नेमिकुमार परिचलिय नयर-उज्जाण-सम्मुह ॥ तयणंतर सिंधुर-तुरय- संदण-रयण-निलीण । संचल्लिय जायव-कुमर पेमवई-साहीण ॥
[२९७९]
कमिण झल्लरि-भेरि-सारंगिकंसाल-तालय-तिरिरि- करडि-ढक्क-तंवक्क-वुकहि । पडु-पडह-सुसंख-वर- वंस-वेणु-काहल-हुडुक्कहिं ॥ वज्जतिहिं तूरिहिं वहुहिं वहिरिय-मज्झ-दसास । गायंतिहिं गंधव्विइहिं पूरिय-तरुण-जणास ॥ २९७६. ६. क. तरुवय तरुवर. २९७७. ६. वसंतमहिं. २९७९. ६. बजरिहिं. ९. क. जणासु.
____Jain Education International 2010_05
For Private & Personal Use Only
www.jainelibrary.org
