________________
६३८
नेमिनाहचरिउ
[२८६०
[२८६०]
लहहि पइ पइ किं न अवमाण कि न पेक्खहि मुहि-सयण रणि पडंत तुटूंत-कंधर । कि न सुमरहि कंस-बहु काल-कंस-पमुह वि स-दुद्धर ॥ मज्झ पयाव-हुयासणिण परिडज्झंत-सरीर । हूय कयंतह पाहुणय अणुगच्छिर निय-चीर ॥
[२८६१]
नेमि-कुमरिण मज्झ वंधविण एगेण विरह-वरिण किं न नियहि तुह वलु असेसु वि । परिविहिउ अज्जु वि उवलमउ व चत्त-चेट्टा-विसेसु ॥ अहवा सेमुहि-कंचुगिण सप्पु व तुहुं चत्तो सि । कहमन्नह अप्पह हणण- कइ मह रणि दुक्को सि ॥
[२८६२]
एम्ब वहु-विह हरिहि दुव्वयण निसुणंतु दुहावियउ मगह-नाहु अमरिस-विसंठुलु । सह एगुणसत्तरिहिं सुयहं जुडइ मरणग्ग-पच्चलु॥ समुहागमिरह मुर-रिउहु रह-रयणारूढस्सु । मगहाहिव-अढवीस-सुय पुणु मिलिया रामस्सु ॥
[२८६३]
इयरु वलु तमु समुदविजयाइनरनाहहं रणि मिलिउ अह महंति संगरि पयट्टइ । नीलंवरु निय-हलिण गलइ धरिवि एक्केक्कु कड्ढइ ॥ मुसलेण उ चूरेइ सिरु तह जह गरुय-दुहत्त । अढवीस वि जरसंध-सुय जीविएण परिचत्त ॥ २८६२. ५. क. मरणमग्ग
Jain Education International 2010_05
For Private & Personal Use Only
www.jainelibrary.org
