________________
नेमिनाहचरिउ
[२५२६
[२५२६]
नूण निग्गह-अरिहु जरसंधरायस्सु वि कंसु परि पयड जस्सु दुविणय भुवणि वि । ता गरुयर-पूय-विहि मुसलि-सहिउ अरिहेइ कण्हु वि ॥ एत्वंतरि सोमगु भणइ अरिहाणरिह-वियारि । को हउं तुम्हाणं पि मइ का एरिसि अहिगारि ॥
[२५२७]
कज्जु सामिहि किच्चु भिच्चेहिं अम्हेहिं तुब्भेहिमवि किं-पि जुत्तु जइ सु जि मुणिसइ । हउं पेसिउ सज्जणइ इयरहा उ हढिण वि सु लेसइ ॥ साम-भेय-डंडेहिं पहु कुणहिं कज्जि परिवाडि । जे उ ति लंघहिं ते खिवहिं अप्पणु खंधि कुहाडि ॥
[२५२८]
वज्ज-दारुण वयण इय भणिरु सो सोमगु पेक्खिउण समुदविजय-नरनाह-पमुहिहिं । सयलेहिं वि जायविहिं असम-रोस-वस-फुरिय-अहरिहिं ॥ गरुयामरिमु समुल्लवइ तहिं आविवि गोविंदु । अरि अरि सोम अ-सोम तुहुं म-न मन्नहि सु नरिंदु ॥
[२५२९]
पउर-परियणु एहि पुणु थोव सो गरुयउ एहि लहु सो पयंडु इहि मंद-सत्तय । जं एगु वि पंचमुहु हणइ करिहिं सय-सहस मत्तय ॥ लहुउ वि वज्जु दलइ गिरिहि सिहरइं गरुयाई पि । दोण्ह वि पक्खहं नज्जिसहि पुणु रणि सत्ताई पि ॥ २५२८. ५. क. असरोस
____Jain Education International 2010_05
For Private & Personal Use Only
www.jainelibrary.org
