________________
५६३
२५०१ ]
नवमवि मुहिगचाणूरवहु
[२४९८]
तयणु किं-चि वि फुरिय-हरिसेण तिण कंस-निवाहमिण पुण-वि हरिहि घाय-कइ पेसिउ । ता मुसलिण धाविउण हणिवि उरसि चाणूरु धरिसिउ ॥ तह जह पसरिय-सासु महि- विलुलिर-केस-गुलंछु । सिय-पीयल-अरुणइं वमिरु निवडिउ आगय-मुच्छु ।
[२४९९] ___ अह तह च्चिय समगु मुट्ठिगिण वलभक्षु उज्झिय-करणु बहु-वियप्पु जुज्झेउ लग्गउ । ता पाविय-चेयणिण अरिण समगु रण-रसि अ-भग्गउ ॥ स-विसेसयरु परिप्फुरिय- अमरिस-वस-अरुणच्छु । पहरइ अहरिय-करुण तह कह-वि सु सउरिहि वच्छु ॥
[२५००]
जेण नासिग-वयण-सवणाहं विवरेहिं परिगलिर- धाउ-निवहु चाणूरु जीविण । परिचत्तउ हरिहि कय- अविणओ त्ति नं गरुय-भीइण ॥ ता कुविउण भय-कंपिरु वि पभणइ कंस-हयासु । अरि अरि इहु मह मंडियउ नूण कयंतिण पासु ॥
[२५०१]
अरिरि सुहडहु गहिवि बंधेह मारेह य गोव दु-वि हणह नंदु स-कलत्त-पुत्तु वि । जो एयहं कुणइ कु-वि पक्ख-चाउ मह रिउ मुणंतु वि । सो अम्हाहं वि सयणु धुवु मारेयव्वउ अज्जु । जह जीवंतु न कुणइ पुणु राय-विरुद्ध अ-कज्जु ॥ २४९८. ७. क. गुलंच्छ. २४९९. ३. क. वियप्प; ८. करण.
____Jain Education International 2010_05
For Private & Personal Use Only
www.jainelibrary.org
