________________
[१९] पवर-लक्खण-रयण-भंडारु ससि-विमल-विवेय-निहि संत-चित्त-महुयर-सरोरुहु । समुवज्जिय-विमल-जस- भरिय-भुवणु धरणियल-कय-मुहु । इह-पर-लोइय-सयल-सुह- कम्म-विसेस-वियाणु । विक्कमधण-नरवइ-सचिवु आसि सुमइ-अभिहाणु ॥
[२०] अह नराहिवु सयल-निय-रज्जवावार-भरु दुद्धरु वि सचिव धवल-खंधरि निवेसिवि । चिर-संचिय-सुकय-गुण- वसुबलद्ध जसु दिसि पयासिवि । धारिणि-देविहिं सहुँ असम विसय-सुहई सेवंतु । चिट्ठइ दोगुंदुग-सुरु व गउ वि कालु अमुणंतु ॥२०॥
[२१] इय ललंतहं तेसि बहु कालु अणहुंत-पुत्तहं गयउ तयणु विविह-देवय-विसेसहं । आराहइ पय-पउम देइ दाणु वेज्जहं असेसहं । वियरइ उवयाइय-सयई कुणइ अणेग उवाय । सुय-मुह-दसण-लोल-मइ नरवइ तदइया य ।
[२२] अन्न-वासरि रयणि-मझंमि सेज्जायलि मिउ-फरिसि सुह-पसुत्त धारिणि महासइ । पुव्वज्जिय-गिरि-गरुय- मुकय-वसिण सिविणंमि पासइ । केण-वि पुरिसिण घर-अजिरि आणिवि तरु सहयारु । आरोविउ गरुयायरिण अट्ठ-बार विहि-सारु ॥ १९. २. वियेय. ७. क. विवेस. ८. विकम. २०. २. वारभरु. ६. सहु. ८. क. सुर. २१ क. पुत्तह. ६. उववया.
____Jain Education International 2010_05
For Private & Personal Use Only
www.jainelibrary.org
