Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 558

For95555555555
(५) भगवई रा.१७ उ.-२ २४६]
HOTO$明乐乐乐乐乐明乐乐明明听听明明明明明明明明明明明明明明明明明明明明明明明明明明明明明
हंता, गोयमा ! संजयविरय जाव धम्माधम्मे ठिए। २. एयंसि णं भंते! धम्मंसि वा अहम्मंसि वा धम्माधम्मंसि वा चक्किया केयि आसइत्तए वा जाव तुयट्टित्तए वा ? णो इणढे समटे । ३. से केणं खाई अटेणं भंते ! एवं वुच्चइ जाव धम्माधम्मे ठिए ? गोयमा ! संजतविरत जाव पावकम्मे धम्मे ठिए धम्म चेव उवसंपज्जित्ताणं विहरति । अस्संयत जाव पावकम्मे अधम्मे ठिए अधम्मं चेव उवसंपज्जित्ताणं विहरइ । संजयासंजये धम्माधम्मे ठिए धम्माधम्म उवसंपज्जित्ताणं विहरति, से तेण?णं जाव ठिए। [सु. ४. जीवेसु धम्म-अधम्म-धम्माधम्मठितत्तपरूवणं] ४. जीवा णं भंते ! किं धम्मे ठिया, अधम्मे ठिया धम्माधम्मे ठिया? गोयमा ! जीवा धम्मे वि ठिया, अधम्मे वि ठिया, धम्माधम्मे वि ठिया। [सु. ५-६. नेरइय-एगिदिय-विगलिदिएसु अधम्मठितत्तपरूवणं ] ५. नेरतिया णं० पुच्छा। गोयमा ! णेरतिया नो धम्मे ठिया, ' अधम्मे ठिया, नो धम्माधम्मे ठिया। ६. एवं जाव चउरिदियाणं। [सु. ७. पंचिंदियतिरिक्खेसुअधम्म-धम्माधम्मठितत्तपरूवणं ] ७. पंचिदियतिरिक्खजोणिया णं० पुच्छा। गोयमा ! पंचिंदियतिरिक्खजोणिया नो धम्मे ठिया, अधम्मे ठिया, धम्माधम्मे वि ठिया। [सु. ८. मणुस्सेसु धम्म-अधम्म-धम्माधम्मठितत्तपरूवणं] ८. मणुस्सा जहा जीवा। सु. ९. वाणमंतर-जोतिसिय-वेमाणिएसु अधम्मठितत्तपरूवणं ९. वाणमंतर-जोतिसिय-वेमाणिया जहा नेरइया। [सु. १०. अन्नउत्थियमंतव्वनिरासपुव्वयं भगवओ समणोवासएसु बालपंडियत्तनिरूणं ] १०. अन्नउत्थिया णं भंते ! एवमाइक्खंति जाव परूवेति ‘एवं खलु समणा पंडिया, समणोवासया बालपंडिया; जस्स णं एगपाणाए वि दंडे अनिक्खिते से णं एगंतबाले त्ति वत्तव्वं सिया' से कहमेयं भंते ! एवं ? गोयमा ! जं णं ते अन्नउत्थिया एवमाइक्खंति जाव वत्तव्वं सिया, जे ते एवमाहंसु, मिच्छं ते एवमासु । अहं पुण गोयमा! एवमाइक्खामि जाव परूवेमि एवं खलु समणा पंडिया; समणोवासगा बालपंडिया, जस्सणं एगपाणाए वि दंडे निक्खत्ते से णं नो एगंतबाले त्ति वत्तव्वं सिया। [सु. ११. जीवेसु बालत्त-पंडियत्त-बालपंडियत्त-निरूवणं] ११.जीवाणं भंते ! किं बाला, पंडिया, बालपंडिया ? गोयमा ! जीवा बाला वि, पंडिया वि, बालपंडिया वि। [सु. १२-१३. नेरइय-एगिदिय-विगलिदिएसु बालत्तनिरूवणं] १२. नेरइया णं० पुच्छा। गोयमा! नेरझ्या बाला, नो पंडिया, नो बालपंडिया। १३. एवं जाव चउरिदियाणं। [सु.१४. पंचिदियतिरिक्खेसुबालत्त-बालपंडियत्तनिरूवणं] १४.पंचिदियतिरिक्ख० पुच्छा। गोयमा ! पंचिदियतिरिक्खजोणिया बाला, नो पंडिया, बालपंडिया वि। [सु.१५. मणुस्सेसुबालत्त-पंडियत्त-बालपंडियत्तनिरूवणं] १५. मणुस्सा जहा जीवा । [ सु. १६. वाणमंतर-जोतिसिय-वेमाणिएसु बालत्तनिरूवणं ] १६. वाणमंतर-जोतिसिय-वेमाणिया जहा नेरतिया। सु. १७. पाणातिवायादीसु पाणातिवायवेरमणादीसु उप्पत्तियादीसु य अणेगेसु पदेसु अन्नउत्थियमंतव्वनिरासपुव्वयं भगवओ जीव-जीवप्पाणं अणण्णत्तनिरूवणं] १७. अन्नउत्थियाणं भंते ! एवमाइक्खंति जाव परूवेति “एवं खलु पाणाइवाए मुसावाए जाव मिच्छादसणसल्ले वट्टमाणस्स अन्ने जीवे, अन्ने जीवाया। पाणातिवायवेरमणे जाव परिग्गहवेरमणे, कोहविवेगे जाव मिच्छादसणसल्लविवेगे वट्टमाणस्स अन्ने जीवे, अन्ने जीवाया। उप्पत्तियाए जाव पारिणामियाए वट्टमाणस्स अन्ने जीवे, अन्ने जीवाया। उग्गहे ईहा-अवाये धारणाए वट्टमाणस्स जाव जीवाता । उट्ठाणे जाव परक्कमे वट्टमाणस्स जाव जीवाया । नेरइयत्ते तिरिक्खमणुस्स-देवत्ते वट्टमाणस्स जाव जीवाया। नाणावरणिज्ने जाव अंतराइए वट्टमाणस्सजाव जीवाया। एवं कण्हलेस्साए जाव सुक्कलेस्साए, सम्मदिट्ठीए ३ । एवं चक्खुदंसणे ४, आभिणिबोहियनाणे ५, मतिअन्नाणे ३, आहारसन्नाए ४ । एवं ओरालियसरीरे ५। एवं मणजोए ३ । सागरोवयोगे अणागारोयोगे वट्टमाणस्स अन्ने जीवे, अन्ने जीवाता' से कहमेयं भंते ! एवं ? गोयमा ! जंणं ते अन्नउत्थिया एवमाइक्खंति जाव मिच्छं ते एवामाहंसु । अहं पुण गोयमा ! एवमाइक्खामि जाव परूवेमि एवं खलु पाणातिवाए जाव
मिच्छादसणसल्ले वट्टमाणस्स से चेव जीवे, से चेव जीवाता जाव अणागारोवयोगे वट्टमाणस्स से चेव जीव, से चेव जीवाया' । [सु. १८. पुग्गलसंबंधं पडुच्च ॐ रूविभावं पत्तस्स देवस्स अरूवित्तविउव्वणे असंभवनिरूवणं] १८. (१) देवे णं भंते ! महिड्डीए जाव महेसक्खे पुव्वामेव रूवी भवित्ता पभू अरूविं विउव्वित्ताणं
必听听听听听听听听听听听听听听听听听听听听听听听听听听听听听劣听听听听听听听听听听听听听听听听听听听O
SIOR9555555
ofE
9
4555555555555 श्री आगमगुणमजूषा - ४६१555555555555555555555555OCOM