________________
२९६
आयारो
११४. तवे से अभिसमन्नागए भवति ।
११५. जमेयं भगवता पवेदितं, तमेव अभिसमेच्चा सव्वतो सव्वत्ताए
समत्तमेव समभिजाणिया।
वेयावच्चपकप्प-पदं ११६. जस्स णं भिक्खुस्स एवं भवति-अहं च खलु अण्णेसि भिक्खूणं
असणं वा पाणं वा खाइमं वा साइमं वा आहट्ट दलइस्सामि, आहडं च सातिज्जिस्सामि ।
११७. जस्स णं भिक्खुस्स एवं भवति...अहं च खलु अण्णेसिं भिक्खूणं
असणं वा पाणं वा खाइमं वा साइमं वा आहटु दलइस्सामि,
आहडं च णो सातिज्जिस्सामि। ११८. जस्स णं भिक्खुस्स एवं भवति—अहं च खलु अण्णेसि भिक्खूणं
असणं वा पाणं वा खाइमं वा साइमं वा आहटु नो दलइस्सामि, आहडं च सातिज्जिस्सामि।
११६. जस्स णं भिक्खुस्स एवं भवति -अहं च खलु अण्णेसिं भिक्खूणं
असणं वा पाणं वा खाइमं वा साइमं वा आहटु नो दलइस्सामि, आहडं च णो सातिज्जिस्सामि।
१२०. अहं च खलु तेण अहाइरित्तेणं अहेसणिज्जेणं अहापरिग्गहिएणं
असणेण वा पाणेण वा खाइमेण वा साइमेण वा अभिकंख
साहम्मियस्स कुज्जा वेयावडियं करणाए। १२१. अहं वावि तेण अहातिरित्तेणं अहेसणिज्जेणं अहापरिग्गहिएणं
असणेण वा पाणेण वा खाइमेण वा साइमेण वा अभिकंख साहम्मिएहिं कीरमाणं वेयावडियं सातिज्जिस्सामि ।
Jain Education International 2010_03
For Private & Personal Use Only
www.jainelibrary.org
