________________
5
जयन्तीप्रकरणवृत्तिः । गाथा २।३ किं गंडूसजलेण अहिसेए तेण तुह कए देव । डोहलए परिपुन्ने नेहतरू वियसिओ ? सामि ! ॥५७३॥ हुँ रन्ने सहवासो पुलिंदपेमं जणेइ तुह देव । सामि पमयालयाणं पासट्ठियसंगयं जेण ।।५७४।। अम्हाणं भत्ताणं सूच्चाण वि देसि देव नालावं । मेच्छं च पुणो पुच्छसि सक्खं कुसलाइयं सव्वं ॥५७५॥ एएण विसेसेणं विसलेसेणेव फुट्टए हिययं । विरहो दुहाकरो च्चिय दारुण(णा) वि दारुणो अहवा ॥५७६॥ पूएमि अहं तं चिय जइ वि पुलिंदम्मि तंसि साणंदो । जलपंकवियसियाणि वि अलिणो लीयंति कमलाइं ॥५७७॥ सो एवमुवालंभं दाउं मन्नुवस्सउग्गारं । उवसंतो जं कहिए दुक्खे जीवो सुही होइ ॥५७८।। देवो सिवो वि चिंतइ असत्थोऽयं अन्नायपरमत्थो । सगसगइ जं व तं वा जडाणुबंधाणुभावेण ॥५७९॥ किंतु करइ महपूयं पुज्जो लोए वि माहणो जेण । ता एस बोहियव्वो दिट्ठीदिटुंतदिट्ठीए ॥५८०॥ काऊण काणमच्छि ढिओ पभाए सिवो ससत्तीए । दद्रुण माहणेणं तओ परुन्नं घणमणेणं ॥५८१।। कुलफंसुणेण केण वि असिट्ठचेटेण पावपुढेण । पकओ अच्छिविणासो हाहा कह मज्झ देवस्स ? ॥५८२॥ हत्था हुतु विहत्था रोगायंकेहि तस्स अपसत्था । हवउ य दुत्थावत्था देवच्छि नासयंतस्स ॥५८३॥ इच्चाइ ज्झरिऊणं विसूरिऊणं बहं बहं बडुओ । तत्थ भुवणेक्कदेसे तुन्हिक्को अच्छइ निलुक्को ॥५८४|| इत्थंतरे पुलिंदो सरधणुपत्तीहिं वावडकरग्गो ।
जलपुन्नवयणकलसो पत्तो देवच्चणं काउं ॥५८५॥ १. आन्तरं । २. अशास्त्र । ३. दृष्टिदृष्टान्तदर्शनात् । ४. प्ररुदितं ।
20
25
Jain Education International 2010_02
For Private & Personal Use Only
www.jainelibrary.org
