________________
३२९
5
जयन्तीप्रकरणवृत्तिः । गाथा ७
तो तेसिं रत्तीए सुत्ताणं खेरुया परिक्खित्ता । पडियारन्ति छन्नं वत्थव्वा एस मुणिवसहा ॥१३॥ ता लहु तणुचिन्ताए सूरी रयणिभरम्मि थंडिल्ले । गंतुमणो संथारा बाहिं छवियम्मि पायम्मि ॥१४॥ चंपाणेसुं अंगालएसु कसरक्कएसु जाएसु । हरिसियहियओ जम्पइ अरिहन्तेहिं इमे जीवा ॥१५॥ निदिट्ठा वयणमिणं निक्करुणं तस्स साहूणो सव्वे । सोऊण मुणिन्तेवं एस अभव्वो असंमत्तो ॥१६॥ अचरित्ती परिचत्तो पभायसमयम्मि सव्वसाहूहि । अंगारमद्दउ त्ति य सिद्धो जिणसासणे एसो ॥१७॥ तस्स य सीसा मणुणो सम्मं सुगुरूण सन्निहाणम्मि । आरोहियचारित्ता उत्तमसुरसम्पयं पत्ता ॥१८॥ भुत्तूणं दिव्वसुहं तओ चूया अन्नअन्नदेसेसु । रायसुया ते जाया ससिरीया सुरकुमार व्व ॥१९॥ खियपयट्ठियनयरे जियसत्तुनिवेण समाहूया । सव्विड्डीए धूयाए सयंवरामण्डवे पत्ता ॥२०॥ सोहम्मसहारम्मे तत्थ य रयणासणेस आसीणा । चित्तलिहिय व्व गीयं रमणीयं जाव निसुणन्ति ॥२१॥ ताव य सो पुव्वभवे दिक्खागुरू रुद्ददत्तआयरिओ । संसारम्मि भमन्तो करहत्तेणं समुप्पन्नो ॥२२॥ भारक्वन्तो दुब्बलगत्तो सव्वंगपामरो दीणो । ताणतेणं गच्छइ रडमाणो कडुयसद्देण ॥२३॥ गीयज्झुणिरंगभंगे तयहुत्तं तेहि दिट्ठिनिक्खेवे । पुव्वभवब्भासेणं जाइस्सरणेण विन्नायं ॥२४॥ एसो अम्हाण गुरू भवगत्तासूयरो अभव्वो त्ति । परिचत्तो पुव्वभवे एवं हिण्डइ कुजोणीसु ॥२५।।
Jain Education International 2010_02
For Private & Personal Use Only
www.jainelibrary.org
