________________
जयन्तीप्रकरणवृत्तिः । गाथा ४।५।६
“सिवपुरपहम्मि पत्थिय जयसि तुमं धीरे धवलगुणगाम । सुगहियनाम सुगई अक्खलियचरणेण तं लहसु ॥ २९ ॥ पासुं चि लीणो होऊण गुरुण रोहणगिरीण | नाणाइरयणरासिं लहसु रयं दूरमवणिन्तो ||३०|| जयव्वं समिई तुम जत्तेण सुदिढसत्तेण । निज्जिणियमोहराओ जेण जए होइ जसवाओ" ॥३१॥ उववूहिऊण एवं नयरं पच्चागओ ही राया । गुरू सह विहर रायरिसी कण्डरीओ य ॥३२॥ मूलगुणेहिं पसरइ खमाणुबंधेण संवरेणेसो । सुयखन्धाभोगेणं उत्तरगुणसाहुसाहाहिं ||३३|| दसविहसमायारीसुपत्तपरिवारपत्तसच्छाओ । जसपसरकुसुमगुच्छो लहइ रिसी कप्पत्तरुसोहं ॥३४॥ कालेणं गीयत्थो सुत्तत्थसमुद्दपारगो जाओ ।
गुरूहिं समं कमसो विहरन्तो एइ नयरी || ३५॥ उज्जाणपालएणं रहसभरोभिन्नबहलपुलएणं । वद्धाविओ नरिन्दो समागओ कण्डरीओ त्ति ||३६|| तस्स पयच्छइ राया सभूसियं पारिओसियं दाणं । कारागारविसोहणपमुहमहं कारइ पुरीए ||३७|| तत्तो सव्विड्डी गच्छइ गुरूपायवंदणनिमित्तं । मणसा समुव्वहन्तो परमाणन्दं अणणुभूयं ||३८|| पंचविहाभिगमणेणं ओयरिओ हत्थिरायखन्धाओ । आलोयकयपणामो राया बद्धंजली हिट्ठो ॥३९॥ तिपयाहिणीकरेउं पणमइ भालयलनिलियधरणियलो । सुगुरूण पायकमलं तिगरणसुद्धेण भावेण ॥४०॥ 'अज्जऽम्ह तुम्ह पहुपयलग्गाणं सुगुरुदिट्ठिदिट्ठाणं । सव्वो वि दोसरासी दूरपवासी धूवं जाओ ॥४१॥
44
Jain Education International 2010_02
For Private & Personal Use Only
३२१
5
10
15
20
25
www.jainelibrary.org
