________________
३१९
जयन्तीप्रकरणवृत्तिः । गाथा ४।५।६
नाएण विक्कमेण य तिवग्गसाहणपराण दोन्हं पि । रज्जसिरिपालणेणं सुहेण अणेहम्मि गच्छन्ते ॥३॥ अप्पडिबद्धविहारा सुयसायरपारगामिणो गुरुणो। बहुगच्छपरिवारा समोसढा बहिरुज्जाणे ॥४॥ तेसिं आगमणेणं सुरुदएणेव निहयदोसेण । राया सिरिनिवासो पुंडरीओ होइ सवियासो ॥५॥ जुवराएणं सद्धिं तेसिं पयकमलवन्दणाहेऊ। गच्छइ सव्विड्डीए वन्दइ तिपयाहिणीकाउं ॥६॥ उचियट्ठाणनिसन्नो तएक्कचित्तो सुणेइ धम्मकहं । अमियरसं व पियन्तो अवगाहन्तो सुहसमुदं ॥७॥ सुगुरूण देसणाए दिणमणिकिरणावलिसणाहाण । अवसरइ मोहनिद्दा निवम्मि सिरिपुंडरीयम्मि ॥८॥ तो एस महाराओ महुयरझंकारमहुरवाणीए । विन्नति थेराणं सुगुरूणं कुणइ पडिबुद्धो ॥९॥ "तुम्ह वयणऽञ्जणेणं भयवं अम्हाण नाणदिट्ठीए । संसारस्स सुरूवं पयडं चिय सम्पयं जायं ॥१०॥ संसारे कन्तारे भयवं अक्खेसु पत्तपसरेसु । विषयाभिलासरक्खसघत्था जीवा परिभमन्ति ॥११॥ पाविन्ति दुहसयाइं चउरासीजीवजोणिलक्खेसु । उप्पन्ना पुणरुत्तं पारं न लहन्ति संसत्ता ॥१२॥ पहु तुम्ह वयणमन्तप्पहावसरेण दलियमाहप्पा । विसएसुं अभिलासा अवकन्ता रक्खसी दूरं ॥१३॥
अप्पवसोऽहं अहुणा रज्जं चइऊण तुम्ह पयकमले । फुल्लन्धुय व्व लीणो आसाइस्सामि चरणमहुं" ॥१४॥ तत्तो गुरूहि भणिओ अहासुहं मा करेसु पडिबन्धं । नमिऊण तओ राया नयरिं पच्चागओ झत्ति ॥१५॥
25
Jain Education International 2010_02
For Private & Personal Use Only
www.jainelibrary.org
