________________
5
10
15
20
25
३१०
Jain Education International 2010_02
जयन्तीप्रकरणवृत्तिः । गाथा ४|५|६
एगम्म दिने साहू तीए गेहम्मि एइ एगागी । निप्पडिकम्मसरीरो भिक्खट्ठा मेरुगिरिधीरो ॥३३॥ वायवसा पडिएणं तिणेण पज्झरइ तस्स नयणं च । पेच्छइ सच्चा दच्छा तहाविहं तं सुभद्दा वि ॥३४॥ चिन्तइ गीयत्था सा छज्जीवनिकायरक्खणं चेव । साहू संजमो जो तम्मूलं लोयणं नऽन्नं ॥३५॥ न विणिस्सइ नयणमिणं अवणिज्जंते तिणम्मि साहुस्स । एसो निपडिकम्मो नेयं इच्छइ समुद्धरिउं ॥ ३६ ॥ परिभाविऊणं एवं दाणं दिज्जंतम्मि दक्खाए । जीहग्गेणोद्धरिउं मुणिनयणाओ तिणं तीए ॥ ३७॥ अवणिज्जन्ते नयणा तिणम्मि साहुस्स भालवट्टम्मि | लग्गो कुंकुमतिलओ सव्वो सरसो सुभद्दाए ||३८| दिट्ठो मुणिनिग्गमणे सासूपमुहाहिं दुट्ठरमणीहिं । तो लद्भावसराहिं पयासिओ बुद्धदासस्स ||३९|| पेच्छसु नियदइयाए कुंकमतिलयच्छलेण अणुरायं । परपुरिसेहिं हि पिंडीभूयं अमायन्तं ॥ ४० ॥ सोवालंभं जणणी भणइ सुयं वच्छ मज्झ वयणाई । पडिहणियाइं तुमए दइयासीलपसंसाए ॥४१॥ तं सीलं ससिधवलं कलसंचियसाहुराहुमुहपडियं । पेच्छ तुमं वच्छ इमं संपइ दोसायरं चेव ॥४२॥ दइयाए पयचारं रागन्धो जं न पेच्छसे जुत्तं । तं चित्तं अमित्तं जमन्नकहियं न मन्नेसि ॥४३॥ पुत्तय चत्तो तुमे कमागओ सुगयसासणे धम्मो । एइए अणुरागग्गहगहिएणं किमिह भणिमो ? ॥४४॥ किं ? निच्छइयं तत्तं हवेज्जऽणेगंतवायजिणधम्मे । पयडमिमं तुह दइयाविहडियसीलेण निव्वडियं ॥ ४५ ॥
For Private & Personal Use Only
www.jainelibrary.org
