________________
२८२
10
जयन्तीप्रकरणवृत्तिः । गाथा ४।५।६ गुरुकुलवासम्मि रओ विणयवोवगओ सुयं अहिज्जन्तो । जन्तूण रक्खणोज्जयचित्तो अपमत्तया जुत्तो ॥२५॥ गीयत्थत्तं पत्तो मेरुगिरिन्दो व्व गुरुरवमाहारो । निम्मलसंजमभारो संविग्गो भावणासारो ॥२६।। उल्लसियजीवविरिओ अन्नदिणे खवगसेढिमारूढो । चउघाइकम्मघाए सो पावइ केवलं नाणं ।।२७।। देविन्ददाणविन्दा केवलमहिमं करिन्ति साणन्दा । वायन्ति दुन्दुहिओ वरिसन्ति य कुसुमगन्धजलं ॥२८॥ उग्घोसन्ति य गयणे एयस्स मुणिस्स उवसमो को वि । चिन्तामणि व्व दुल्लहो जीवाणं अकयसुकयाणं ।।२९।। अप्पेणं कालेणं अहो मुणिन्देण सुक्कज्झाणेण । इमिणा कुलिससमेणं दुकम्मगिरिणो लहुं दलिया ॥३०॥ दिन्नं अब्भक्खाणं रुद्देणं कूडकवडवयणेणं । सोमे इमम्मि केवलसुहाणुभावं अहो पत्तं ॥३१॥ एस खमाहरचूडामणी मुणिन्दो सुमेरुगिरिगरुओ। जस्सि अब्भक्खाणं तिणं व कल्लाण परिणामं ॥३२॥ रइए कञ्चणकमले अंगरिसी केवली सुहासीणो । देवेहिं थुणिज्जन्तो पत्तो लोगुत्तरं लच्छि ॥३३॥ रुद्दो पुण लोएणं निन्दिज्जइ अलियदोसदाइ त्ति । एसो अगिज्झनामो एस अभव्वो अदट्ठव्वो ॥३४॥ जेणेरिसम्मि सोमे अखंडवित्तम्मि कलुसवयणेण । कन्तिनिरोहो कीरइ रुद्देणं राहुरुद्देणं ॥३५॥ सब्भूयं पि न दोसं वयन्ति कहिंपि सज्जणा लोए । जे पुण दोसमसन्तं भणन्ति ते इह महापावा ॥३६॥ अब्भक्खाणेणेवं धिक्कारो होइ इहभवे चेव । परलोए पुण दुग्गइपइसारो दुक्खभारो य ॥३७।।
25
Jain Education International 2010_02
For Private & Personal Use Only
www.jainelibrary.org
