________________
जयन्ती प्रकरणवृत्तिः । गाथा ४।५।६
सुगहीयनामधेया ते मह लहुया वि बन्धवा गरुया । जे निरुवमगुरुसंगमसंजमसिरिसंगया जाया" ॥१२०॥ एवंविहं परिचिन्तिऊण सम्मं विवेयदिट्ठीए । संवेगमुग्गरेणं भित्तूणं मोहघणगण्ठि ॥१२१॥ काऊण पञ्चमुट्ठिलोयं गहिऊण देवयादिन्नं । रयहरणाइयलिंगो चारित्तगयन्दमारुढो ॥१२२॥
बाहुबली परिचिन्तइ तायसमीवम्मि जामि कहमिन्हिं ? | निरइसओ पेच्छिस्सं केवलिण बन्धवे लहु ॥ १२३॥ इह कयकाउस्सग्गो सुक्कज्झाणानलेण दहिऊण । कम्मवणं तो लहिउं केवलनाणं गमिस्सामि ॥ १२४ ॥ एवं निच्छयसारो निरुद्धसावज्जसयलवावारो । बाहू सरलियबाहू तत्थ द्विओ काउस्सग्गेण ॥ १२५ ॥ बाहुबलि मुणिरायं सव्वकलापुन्नमऽमयलेसिल्लं । विहडियवल्लहचक्कं दूरिकयसयलसन्तावं ॥ १२६॥ दट्ठूण भरहनिवो मउलियमणनयणवयणसयवत्तो । पच्छायावपरद्धो पारद्धो खामणं काउं ॥ १२७॥ " खमसु तुमं मह बन्धव अखण्डियबाहुदण्ड बलवीर । भुज्जसु तायवियन्नं रज्जं सच्छं सच्छन्दसानन्दं ॥१२८॥ अतुलभुयदण्डविक्कम तुमए विजिओऽहमुत्तमरणेण । कज्जे निओइयव्वो तो अहुणा गुणगरिद्वेण ॥ १२९॥ तुह विक्कमकुलिसेणं चक्कं चूरिज्जए न सन्देहो । न नरिन्द मए नायं हद्धी एयं पि कुद्धेण ॥ १३०॥ बाहुबलिम्मि मुणिन्दे धम्मज्झाणम्मि पसरियाणन्दे । पुणरुत्तखामणुज्जयभरहनिवोऽपत्तपडिवयणो ॥१३१॥ भणिओ मन्तिजणेणं सामि ! मुणी एस मुणियपरमत्थो । समसत्तुमित्तचित्तो संजमलच्छीए अणुरत्तो ॥ १३२॥
Jain Education International 2010_02
For Private & Personal Use Only
२२३
5
10
15
20
25
www.jainelibrary.org
