________________
जयन्ती प्रकरणवृत्तिः । गाथा २।३
कट्ठाद्वाणवयं मुञ्चसु तं जेण तस्स फलमेयं । मन्नेमि जमिह मह मुहकमलम्मि महुव्वओ होसि ॥ १७१ ॥ इच्चाइ आलवंती अभया नियपाणिणा करं तस्स । गहिऊण कुणइ सरहसभुयाहि परिरंभसंरंभं ॥ १७२॥ एवमुवसग्गजलनिहिसिंगाररसुल्लसंतलहरीहिं । गुणचंदणवणमलओ एसो अइलु च्चिय सट्ठाणे ॥१७३॥ चितइ य एस धीरो जइ एयाए कहिंचि मुच्चिस्सं । पारिस्सामि तओऽहं सन्नासो अन्नहा मज्झ ॥१७४॥ अह अवमाणमहिंधणजणियाकोवग्गिधूमकुरुलीओ । णं अभयादिट्ठीओ निवडंति सुदंसणे किन्हा ॥ १७५॥ भणइ य अभया निठुरं ममावमाणेण नत्थि ते जीयं । जं हुंति माणणीओ निग्गहऽणुग्गहमणा मूढ ! ॥१७६॥ ता मा मं अवमाणय माणेण भिंभलीभूयं । अन्नह तुमं महापहपहिओ होहिसि न संदेहो ॥ १७७॥ दुव्वयणानलतावं जहा जहा देइ सा महापावा । तह तह तस्स ज्झाणं कणयं पिव निम्मलं होइ ॥ १७८ ॥ अहवा खमागयाणं वसणे वसे य परसइ सुज्झाणं । जह खीरतरुयराणं छेए छेए हवइ च्छीरं ॥ १७९॥ अहिगरिणीए तीए दुव्वयणेहिं धणेहि अणवरयं । वयरं व्व ताडणाहिं भिन्नं न मणो मणागं पि ॥ १८० ॥ अलम्मि तम्मि तीए तमस्सिणीए रयम्मि पसरन्ते । खेडंती विसरिसमणोरहा अहव भज्जति ॥ १८२॥ अह जायम्मि पभाए नहरेहाहिं नहं व्व अरुणाहं । काऊण नियसरीरं करेइ कोलाहलं अभया || १८२ ॥ वाहरिया इव तेणं पाहरिया तत्थ इन्ति संभन्ता । काउस्सग्गेण द्वियं सुदंसणं ताव पेच्छंति ॥ १८३॥
१. अचल । Jain Education International 2010_02
For Private & Personal Use Only
१३९
5
10
15
20
25
www.jainelibrary.org
