________________
विजयचंदचरियं विण्हुसिरीए सहिओ हलिराया तीइ पवरनयरीए । भुंजेइ विसयसुक्खं सैइसहिओ सुरवरिंद व्व ॥८६।। इह लोगंमि वि पत्तं जिणवरनेवज्जन्नदाणेण । मणइटुं सुररज्जं हलिणा सहियं कलत्तेण ॥८७|| नाउं नेवज्जफलं दोन्ह वि भज्जाहि सौ हलीराया । नेवजं भत्तिज्जुओ पइदियहं कुणइ जिणपुरओ ॥८८।। वच्चंति तस्स दियहा सुहावगाढस्स तंमि नयरंमि । देवस्स व सुरलोए जम्मंतरजणियपुन्नस्स ॥८९॥ आउक्खयंमि देवो सो वि य चविऊण विहिनिओगेण । विण्हुसिरीए गब्भे संजाओ तस्स पुत्त त्ति ॥१०॥ कयकुमुअनामधेओ संपत्तो जुव्वणं सह कलाहिं । जम्मंतरसुकएणं नरवइणो वल्लहो जाओ ॥९१॥ दाऊण तस्स रज्जं काऊण य सावगत्तणं परमं । जिणनेवज्जफलेणं उप्पन्नो पढमकप्पंमि ॥९२॥ दद्रुण निययरिद्धि जैयसदं निसुणिऊण देवाणं । चिंतइ सो संतुट्ठो पुव्वभवे किं कयं सुकयं ॥९३|| जेणेसा सुररिद्धी संपत्ता अच्छराउ मणइट्टा । अवहिवसेणं जाणइ जिणवरनेवज्जदाणेणं ॥९४||
* सइ = शची । १. सुरवरिंदु व्व । २. दाणपुन्नेण । ३. सुहरज्जं । ४. हलिया । ५. कलियं । ६. दोहि वि । ७. सह । ८. सुमणोज्जं । ९. आउक्खएण । १०. काऊणं सावगं परमरम्मं । ११. उववन्नो । १२. देवरिद्धिं । १३. जइसई । १४ देवीणं ।
Jain Education International 2010_02
For Private & Personal Use Only
www.jainelibrary.org
