________________
४५
अक्षतपूजाविषये कथा ॥
पफुल्लवयणकमला उट्टेउं भणइ रेइमहादेवी । महजीविएण देवो जइ जीवइ किं न पज्जत्तं ॥१०७॥ इय भैणिए सो मंती भवणगवक्खस्स हिट्ठभूमीए । काराविऊण कुंडं आरोहइ अगरुकतुहिं ॥१०८।। सा वि य कयसिंगारा नमिऊणं भणइ अत्तणो कंतं । सामिय महजीवेणं जीवसु निवडामि कुंडंमि ॥१०९।। भणइ सदुक्खं राया मज्झकए देवि चयसु मा जीयं । अणुहवियव्वं च मए सयमेव पुराकयं कम्मं ॥११०॥ पभणइ चलणविलग्गा सामिय मा भणसु एरिसं वयणं । जं जाइ तुज्झ कज्जे तं सहलं जीवियं मज्झ ॥१११॥ ओआरणं करेउं अप्पाणं साबला वि नरवइणो । भवणगवखे ठाउं जलिए कुंडमि पक्खिवइ ।।११२॥ अह सो रक्खसनाहो तीसे सत्तेण तोसिओ सहसा । अप्पत्तं वि य कुंडे हुँयास दूरं समुक्खिवइ ॥११३।। भणिया रक्खसवइणा तुट्ठो हं अज्ज तुज्झ सत्तेण । मग्गसु जं हियइटुं देमि वरं तुज्झ किं बहुणा ॥११४|| जणणिजणएहि दिन्नो हेमपहो मह वरो किमन्नेण । मग्गसु तह वि हु भद्दे देवाण न दंसणं विहलं ॥११५।। जइ एवं ता एसो मह भत्ता देव तुह पसाएण । जीवउ वाहिविहीणो चिरकालं होउ एस वरो ||११६॥
१. सा । २. दइओ । ३. भणिओ । ४. आऊरइ दारकट्ठेहिं । ५. पुराणयं । ६. जायइ । ७. सुलहं । ८. भुयाहिं ।
Jain Education International 2010_02
For Private & Personal Use Only
www.jainelibrary.org
