________________
विजयचंदचरियं भणिओ सो मुणिवइणा नरवइ इत्थेव तुम्ह नयरंमि । दुग्गयर्गहवइधूया नामेणं वेणुदत्तस्स ।।३८|| कालगऊ एयाए जणओ जणणी य जायमित्ताए । दुक्खेण जीवियाए कह वि हु विहिणा निओगेणं ॥३९।। सोऊण इमं वयणं सीसं धुणिऊण चिंतए राया । विसमो विहिपरिणामो संसारे इत्थ कम्माणं ॥४०॥ सा वि य नमिऊण मुणि रोयंती भणइ गग्गररवेण । साहेहि मज्झ भयवं जं किर पोराणयं कम्मं ॥४१॥ भणिया सा मुणिवइणा भद्दे निसुणेसु पुव्वजम्मंमि । जइ जिणपओसजणियं बद्धं कम्मं तए असुहं ।।४२।। बंभपुरे आसि तुमं सोमा नामेण माहणी पुचि । सोमसिरीसुन्हाए जिणपुरओ ढोइओ घडओ ॥४३॥ कुवियाए सा भणिया जिणपुरओ कीस ढोइओ घडओ । इय वयणाओ एवं संपत्तं दारुणं दुक्खं ॥४४॥ इय सोऊणं पच्छायावेणं ताविया भणइ भयवं । अज्ज वि एवं घोरं अणुहवियव्वं मए कम्मं ॥४५।। भणिया सा मुणिवइणा पच्छायावो य जो कओ पुचि । तेणं चिय तं खिवियं एगभवेणेव बहुकम्मं ॥१४॥ पच्छायावेण जिओ नियकम्मं खिवइ सुद्धभावेण । सम्म मिग्गवई विव नियगुरुणी पायमूलंमि ॥४७॥
१. गिहिवइ । २. जीवियाओ । ३. वि हु । ४. जीवाणं । ५. गग्गयसरेणं । ६. साहेह । ७. किंपि । ८. पुराकयं । ९. ढोइए । १०. घडए । ११. जिणसीसे किं । १२. संपत्ता । १३. परिखवियं । १४. तं कम्मं । १५. सव्वं । १६. इव ।
____Jain Education International 2010_02
For Private & Personal Use Only
www.jainelibrary.org
