________________
९. कलशपूजायां कथानकम् ॥
ढोयइ जो जलभरिअं कलसं भत्तीइ वीयरागाणं । पावइ सो कल्लाणं जह पत्तं विप्पधूयाए ॥१॥ अत्थि त्थ भरहवासे सुपसिद्धं सुरपुरं व रमणीयं । बंभपुरं नामेणं विप्पसहस्सेहिं परिकलियं ॥२॥ तत्थ वि चउवेयविऊ विप्पो परिवसइ सोमिलो नाम । सोमा य तस्स भज्जा ऍत्तो वि हु जन्नवको त्ति ॥३॥ निम्मलवंसविसुद्धा धम्मंमि सेमुज्जाया पिया तस्स । सोमसिरी नामेणं सुविणीया ससुरवग्गस्स ॥४॥ अह सो सोमिलविप्पो पंचत्तं विहिवसेण संपत्तो । पुत्तेण ये पारद्धं मयकिच्चं तस्स जणयस्स ।।५।। भणिया सा सोमसिरी सोमाए सासुयाइ सप्पणयं । वारसिदाणनिमित्तं ससुरस्स जलसमाणेहिं ॥६॥ इय सासुयाइ भणिया घडयं घित्तूण निग्गया उदयं । जलसंपन्नं घडयं समागया जिणहरासन्ने ||७||
१. ढोवइ । २. परिकिन्नं । ३. पुत्तो वि य । ४. जन्नवक्कु त्ति । ५. समुज्जुया। ६. वि । ७. जा जलसंपुन्नघडा ।
Jain Education International 2010_02
For Private & Personal Use Only
www.jainelibrary.org
